Пушкăртстанри Пелепей хулинче йĕркеленнĕ «Илем» ансамбль çак кунсенче 25 çул тултарать. Чĕрĕк ĕмĕр хушшинче асăннă ушкăн аталанса ура çине тăма пултарни савăнтарать. Унăн репертуарĕнче ытларах вырăнти чăвашсен юрри-кĕвви.
Тĕп хулари «Шупашкар—Арена» пăр керменте çакăн чухлĕ халăх пухăнни сайра пулать пуль. Паян кунта «Г.А. Ильенко ячĕллĕ «Элара» НПК» АО ĕçченĕсем хăйсен предприятине туса хунăранпа 50 çул çитнине уявларĕç.
Шупашкарти Ф.П.Павлов ячĕллĕ музыка училищине уçнăранпа 90 çул çитрĕ. Çавна май паян Чăваш патшалăх оперăпа балет театрĕнче пултарулăх форумĕ тата юбилей концерчĕ иртрĕ.
Паян СССР халăх артисчĕ, К.В.Иванов ячĕллĕ Чăваш патшалăх академи драма театрĕн илемлĕх ертÿçи Валерий Яковлев çуралнăранпа 80 çул çитрĕ. Валерий Николаевич юбилее тăван кĕтесĕнче - Шăмăршă тăрăхĕнче паллă тума тĕв тытнă. Çавна май Яковлевсен çемйи кăна мар, театр коллективĕн пысăк ушкăнĕ унта тухса кайрĕ.
Паян Çĕнĕ хулара пурăнакансемшĕн, уйрăмах çамрăк çемьесемшĕн, савăнăçлă кун. Кунта 240 ачана йышăнма пултаракан çĕнĕ ача сачĕ уçăлчĕ. Вăл - микрорайонта иккĕмĕш.
Чăвашла верси
Русская версия
