Архив - Фев 2014

февраль 26th

26 Фев, 2014

Ӳсĕрпе инкек пĕр тăван

Автомашина рулĕ умне ÿсĕрле ларни ырри патне илсе çитерменнине пĕлмен çын çук та пулĕ. Анчах правасăр юласса е пысăк штраф тÿлессе пĕлсе тăрсах çула тухатпăр, инкек çине синкек тăватпăр. Иртнĕ çулхи авăн уйăхĕнчен çĕр-шывра саккуна татах хытарчĕç: ÿсĕр водителĕн правине туртса илнисĕр пуçне 50 пин тенкĕ таран штраф хума йышăнчĕç. Çакăн хыççăн тата ÿсĕрле руль умне ларнăшăн 10-15 талăка хупма пултараççĕ. Анчах хăшĕ-пĕри çавах хăнк та тумасть.

26 Фев, 2014

Çул ăçталла выртать?

Пирĕн çĕр-шывăн ял хуçалăхне чĕрĕлĕх кĕртмелли çул-йĕр пуррипе çуккине ăнланса илес тесен юлашки пилĕк çула тиркевлĕ куçпа пăхса хакламалла. Тĕслĕх вырăнне федерацин Атăлçи, Урал тата Çĕпĕр округĕсене илĕпĕр, мĕншĕн тесен вĕсем тыр-пулăн, аш-пăшпа сĕтĕн 40 процентне парса тăраççĕ. 2010–2014 çулсенчи çанталăк кутăнлашăвне пула хуçалăхсем пысăк çухату тÿсрĕç, панкрута тухнисем патшалăх пулăшăвне кĕтсе илеймен, халăх хулана тарать. Пĕтĕмĕшле лару-тăру чăннипех кăткăс.

Пÿлме шăлса тасатнă евĕр

26 Фев, 2014

Тăвалла пулсан та – малалла

Ял туризмĕ Европăра тата Америкăра тахçанах йĕркеленнĕ. Вăл туристсене ял çывăхне йыхăрать, хуçалăх ĕçĕсене тума хистет. Унсăр пуçне этем талăкĕ-талăкĕпе çут çанталăкра пулса канать, экологи тĕлĕшĕнчен таса апат-çимĕç çиет. Туризмăн ку енĕ ытларах Италипе Францире аталаннă. Хăнасем тĕрлĕ çĕр-шывран пуçтарăнаççĕ. Англипе Германи фермерĕсем те туристсене хапăлласа йышăнаççĕ. Ял туризмĕ Раççейшĕн «çамрăк». Çапах вăл пирĕн çĕр-шывра та ерипен йĕркеленме пуçларĕ.

Ăçтарах-ши «Упа кĕтесĕ»?

26 Фев, 2014

Халал хутне – çĕнĕрен

Малашлăха пĕлмесĕрех кил-çурта хĕрĕме халалларăмăр. Халĕ вăл çемйипе Самар тăрăхĕнче пурăнать. Инçе çула пула килсе çÿреймест. Унсăр пуçне кунта куçса килес шухăш та çук. Пире мăнукпа кин пăхаççĕ. Вĕсем Сăнав поселокĕнче пурăнаççĕ. Эпĕ кил-çурта вĕсем çине çĕнĕрен куçарасшăн. Ĕçе мĕнрен пуçламаллине пĕлместĕп. Тĕплĕнрех çырса кăтартăр-ха, тархасшăн.

Юлия Ильина. Çĕрпÿ хули.

26 Фев, 2014

Хула аталанăвне кашнин тÿпе хывмалла

Республика Пуçлăхĕ Михаил Игнатьев тунти кун Çĕмĕрле хулинче пулчĕ. Малтанах муниципалитетăн 8-мĕш гимнази ĕç-хĕлĕпе паллашрĕ. Кунта 625 ача вĕренет. Информацин хăватлă тытăмне йĕркеленĕ. Вĕренÿ ĕçĕнче виçĕ компьютер класĕпе, конференц-залпа, автоматизациленĕ NetSchool тытăмпа усă кураççĕ.

26 Фев, 2014

Прокуратура ирĕк парсан кăна

Республикăри тĕрĕслевпе сăнав органĕсем пĕр вăхăт ĕç тăвакан влаç органĕсене, ку тытăмра тăрăшакансен шухăшĕпе - сăлтавпа та, сăлтавсăр та - куçран вĕçертменни çинчен шав пулчĕ. Чăваш Енре ку çивĕч ыйтăва федерацин Атăлçи округĕнче чи малтан çĕклерĕç.

26 Фев, 2014

Кун хыççăн кун. Нарăс, 26.

Тăвай енре - ЧНК уйрăмĕ

Тăвай районĕнче Чăваш наци конгресĕн вырăнти уйрăмне йĕркеленĕ. Унăн канашне 15 çынран суйланă.

Йыша шкулсенчи чăваш чĕлхипе литература вĕрентекенсем, библиотекарьсем, халăх музейĕн директорĕ, чăвашлăха упраса хăварассишĕн чунран тăрăшакан шур сухалсем кĕнĕ. Канаш тилхепине тытса пыма Тăвай район администрацийĕн пуçлăхĕн пĕрремĕш çумне - АПК аталанăвĕпе экологи пайĕн ертÿçине Валерий Чайкина шаннă.

26 Фев, 2014

Турист çулĕ такăрлантăр

Чăваш Енре туризма аталантарас енĕпе йĕркеленĕ Координаци канашĕн анлă ларăвне икĕ министерство - ЧР Культура тата Физкультурăпа спорт - ĕçченĕсем хутшăнчĕç. 2013 çулхи раштав уйăхĕччен яваплă çак тивĕçе физкультурăпа спорт министерстви пурнăçласа пыратчĕ.

26 Фев, 2014

Аделина Сотникова - Чăваш Енĕн ылтăн хĕрĕ

Унăн ятне халĕ Раççей кăна мар, пĕтĕм тĕнче пĕлет. Вăл - пăр çинче эрешлесе ярăнакан хĕрсенчен чи пултарулли те чи сумли. Пике Чăваш Енре пурăнакансемшĕн те çывăх: 17 çултах Олимп тÿпине çĕкленнĕ спортсменка - Совет Союзĕн Геройĕн Александр Кочетовăн /1919-1994/ мăнукĕн хĕрĕ.

Страницы