Архив - 2015

декабрь 31st

31 Дек, 2015

Хĕл Мучи парни

Вăтăр çула çитрĕм пулин те Çĕнĕ çул каçĕнчи асамлăха ĕненме пăрахмастăп-ха. Хама мĕн астăвассах сехет вуниккĕ çапнă чухне Хĕл Мучирен çитес çул валли ырăлăх ыйтатăп. Такам систернĕ-ши кун пирки е хамах ăс çитернĕ-ши? Пысăк çемье: «Çĕнĕ çул ячĕпе!» тесе кăшкăратчĕ, пĕр-пĕрне çĕнĕ телейпе саламлатчĕ, эпĕ вара шăппăн çеç тăрса ăшăмра тепĕр çулталăка та çак йышпах, чĕрĕ-сывă ирттерме ĕмĕтленеттĕм. Çывăх тăвансем валли сывлăхпа телей ыйтаттăм.

31 Дек, 2015

Тăватпÿрт вăрманĕнчи улмуççи...

Часах çывăрса каяймарĕ вăл. Пĕр енчен тепĕр енне куçса, шуçса пăхрĕ. Çав самантра пĕрех май ахлатрĕ те, эхлетрĕ те... Ватлăхри шăмшак, виçĕ çул каялла тăруках шалкăм çапнăскер, виттĕр-виттĕр туртса сурчĕ. Ыйхă вĕçнĕ самантра тата юратнă мăшăрне - Кольăна - умĕнчен ямарĕ. Вăл чĕрĕ чухнехи евĕрех, çума-çумăн выртса унпа калаçрĕ.

Çамрăклăха, яшлăха аса илчĕ Феврони аппа. Ума Тăватпÿрт вăрманĕнчи ешĕл çулçăллă, хăлаçа вырнаçайми улмуççи тухса тăчĕ. Анăçран юхса килекен çилпе хумханать хăй. Хăйпе юнашар тăракан çирĕм урлă каçнă каччăпа хĕр ытамĕнче вĕсемпе йăпанать, пăшăлтатать.

31 Дек, 2015

«Çамрăксен хаçачĕ» 52 (6093) №. 31.12.2015

31 Дек, 2015

Спортпа туслă пулни Кремле çитме çул уçать

Кашни шăпăрлан кĕтекен Çĕнĕ çул - чи асамлă уяв. Шăпах ун чухне ĕмĕтсем пурнăçа кĕреççĕ. Пĕри Хĕл Мучирен тетте ыйтса илет пулсан тепри çемье ăшшине туясшăн. Ĕмĕтсем расна. Чылайăшĕ кăçал ырă ĕçсем тунă, дневникри «5» тата «4» паллăсемпе ашшĕ-амăшне савăнтарнă, медальсемпе Хисеп хучĕсен пухмачне пуянлатнă... Шăпах унашкаллисен Мускаври Кремльте иртекен елкăна хутшăнмашкăн шанăç пысăк. Ара, унта кайма маттуррисенчен маттуррисене суйлаççĕ-çке. Çĕршыври тĕп елкăна Чăваш Енри ачасем çулленех хутшăнаççĕ. Раштавăн 24-мĕшĕнче 46 шăпăрлан пуйăса ларса çĕршывăн тĕп хулине кайнă.

31 Дек, 2015

Качака çулĕ тухăçлă иртрĕ

2015 çул «Çамрăксен хаçачĕн» редакцийĕшĕн çав тери тухăçлă пулчĕ. Унчченех йăлана кĕртнĕ «Чуна уçса калаçар», «Паттăр çуралнă тăрăхра», «Çыравçă ялĕнче - хăнара», «Хам куртăм!» тата ытти рубрикăна малалла тăсрăмăр, çавăн пекех çĕннисене пуçартăмăр: «Паллă çынсен çамрăклăхĕ», «Пĕр çын шăпи»… ЧР Информаци политикипе массăллă коммуникацисен министерстви ирттернĕ социаллă пĕлтерĕшлĕ проектсен конкурсĕнче «Паттăрсен мухтавлă çулĕпе» проекта пурнăçа кĕртме грант çĕнсе илтĕмĕр.

31 Дек, 2015

Эрнере пилĕк хутчен мунча кĕрет

22 çул каялла пулса иртни çинчен Совинсен килĕнче калаçма юратмаççĕ. Пуйăсран тĕксе янă хыççăн 9-ти тĕпренчĕкĕ икĕ урасăр, сулахай аллисĕр юлнине никам та куççульсĕр каласа кăтартаймĕ, çавăнпа йывăр аса илÿсене чун тĕпĕнче пытарса упраççĕ вĕсем. Малалла вулас...

31 Дек, 2015

Туй кунĕнче те клип ÿкернĕ

Чăваш эстрадинче «Хурăнташ» ушкăн ертÿçи Денис АНТИПОВ пек лăпкă та сăпайлă, ытлашши сăмах ваклама юратман яш çук та пулĕ. Çут çанталăк ăна кÿрентермен: яштака пÿ-си, хĕвеллĕ сăн-пит, илĕртÿллĕ кулă, сапăр сас панă. Çирĕп кăмăл, каланă сăмаха тытма пĕлни, пуçланă ĕçе вĕçне çитерни... Çаксем йăлтах пур Денисăн.

31 Дек, 2015

Корпоратив хыççăн рок-н-ролтан сивĕннĕ

Çĕнĕ çул савăнăçлă самантпа пуян. Тепĕр тесен, уявĕ хăй те шÿт-кулă сăлтавне çаврăнма пултарать. Парне, апат-çимĕç, çи-пуç шыраса лавккаран лавккана хыпаланатпăр, ĕçре ăшталанатпăр... Ĕç тенĕрен, шăпах корпоративри кăсăклă самантсем çинче чарăнса тăрар-ха паян. Ун пирки мĕнле кăна шÿт çÿремест пулĕ халăхра? Тĕслĕхрен, уява кайиччен асăрханăр - çав çынсемпе сирĕн малашне те ĕçлемелле* воспитани правилисене ан манăр - сĕтел айне кĕрсе ÿкиччен ĕçтешсемпе сыв пуллашăр. Çакăн евĕр шÿтсем пурнăçран тухнине ĕненместĕр-и? Апла тăк атьăр-ха уяв йĕркелÿçисемпе калаçар.

Страницы