Çак кунсенче Томск облаçĕнче ял хуçалăх отраслĕнче вăй хуракансен 6-мĕш слечĕ (сельский сход) иртнĕ. Унта Чăваш Енрен ЧР ял хуçалăхăн тава тивĕçлĕ ĕçченĕ, паллă хурт-хăмăрçă, Юхмапа Пăла тăрăхĕнчи Турханта пурăнакан Николай Пирожков та хутшăннă. Унта вăл вĕлле хурчĕсене искусствăлла мелпе пĕтĕлентерессипе ĕçлекен Кирилл Богомоловпа кайнă.
Куславкка районĕнче çеç мар, республикăра та «Эткер» пек ватă ансамбль çуках пулĕ. Вăл йĕркеленнĕренпе 51 çул çитет кăçал. Иртнĕ çул юбилей тĕлне «Эпир пурăнатпăр Энĕш хĕрринче» кĕнеке кун çути курнă. Унта ансамбль кун-çулĕпе, унăн репертуарĕнчи юрă-кĕвĕпе паллаштарнă.
Улахран — ушкăн
1961 çулхи ака уйăхĕн 12-мĕшĕнче тĕнче уçлăхне Çĕр чăмăрĕнчен этемлĕх историйĕнче пуçласа космос карапне вĕçтерсе хăпартнă.
Ака-суха умĕн Шĕмшеш ял тăрăхĕнче пурăнакансем пухăва пуçтарăнчĕç.
Ку тăрăха 19 ял кĕрет. Шел, юлашки вăхăтра халăх йышĕ чакса пыни сисĕнет. Вунă çул каялла 2500 çынна шута илнĕ пулсан халĕ 1900 юлнă. Мĕншĕн чакса пыратпăр? Тĕп сăлтавĕ — ял хуçалăх организацийĕсем арканнăран халăх ĕçсĕр юлни. Çавăнпа çамрăксем хулана туртăнаççĕ. Ĕçке ярăнакан та самай. Пĕлтĕр Шĕмшеш тăрăхĕнче 31 çын вилнĕ, 3 пепке çуралнă. «Малашне кун пек хăвăртлăхпа сахалланса пырсан шкулсенче кама вĕрентĕпĕр?» — пăшăрханăвне пытармарĕ ял администрацийĕн пуçлăхĕ Вячеслав Марков.
«Христос чĕрĕлнĕ!» — ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăна çапла каласа пуçларĕ пулин те канашлу уяв сĕмĕллĕ пулмарĕ. Пушар хăрушсăрлăхĕ, çурхи ейÿрен сыхланасси, çуракине хатĕрленесси — кун йĕркинчи çак ыйтусем ырана хăвармасăр татса памаллискерсем.
«Хамăрăннисемпе» «юттисем» ан пулччăр
РФ Президенчĕ Владимир Путин спортăн наци тĕсĕсене аталантармалли çинчен пĕрре мар каланăччĕ. Çавна май, 2014 çулта «РФ физкультурăпа спорта аталантарасси çинчен» саккуна улшăнусем кĕртнĕ. Çĕнĕ документ общество организацийĕсене патшалăх аккредитацийĕ витĕр тухма тата спорт федерацийĕн статусне илме, спортсменсене хатĕрлемелли стандартсене çĕнĕлĕхсем кĕртме май пачĕ.
И.Н.Ульянов ячĕллĕ ЧПУ профессорĕ, культурологи докторĕ Владимир Васильев Чечня патшалăх университечĕн истори факультетĕнче чăваш халăх историйĕпе культури çинчен лекци вуланă.
Философи наукисен докторĕ Т.Мазянова профессор палăртнă тăрăх — Чечня Республикин хальхи историйĕнче Чăваш Ен профессорĕ лекци вулани пулман-ха. Вăл çавăн пекех çак ĕçтешлĕх икĕ университетăн туслă çыхăнăвне аталантарма пулăшакан никĕс пулса тăнине çирĕплетнĕ.
Чăваш Енре çурхи сунар кунĕсем пуçланаççĕ. Ака уйăхĕн 21-30-мĕшĕсенче вĕçен кайăксене тытма ирĕк параççĕ.
Кăçал çурхи сунар вунă куна тăсăлать. ЧР Çут çанталăк ресурсĕсен тата экологи министерствинчен пĕлтернĕ тăрăх — çак тапхăрта 3-9 сехетсенче ăсан аçисене, 4-9 тата 18-21 сехетсенче хур, кăвакал аçисене хÿтлĕхре пытанса тытма юрать. Çавăн пекех вальдшнеп сунарĕ уçăлать. Кайăка 19-22 сехетсенче тытма ирĕк параççĕ.
СУРСКИЙ РУБЕЖСКИЙ
Чăвашла верси
Русская версия
