Архив - 31 мая, 2018

Дата
Тип

   * Алăк чĕриклетсен

   * Кăпшанкăран хÿтĕлеме

   * Холодильник çук чухне

   * Ĕне уксахлать

   * Пахчара ĕçлени ан сиенлетĕр 

«Савнийĕсене перчетке пек улăштарать» каларăш — Йĕпреç районĕнчи Юра Каписов çинченех. Ялта та ун пирки çапла каларĕç. Анчах авланса уйрăлнă 51-ри арçын кунпа килĕшсех каймасть, мĕншĕн тесен вăл халĕ савни тупнă. Кам пĕлет, тен ĕмĕрлĕх.

Акăш пек ярăнса утать, кулли çурхи хĕвел пек ăшă, çивĕчĕ вăрăм, утăм тумассерен тухья çинчи кĕмĕл тенкĕсем шăнкăртатаççĕ... К.Ивановăн «Нарспи» поэмипе пĕрремĕш хут паллашсан Анжелика Никифоровăн куçĕ умне шăпах çавăн пек сăнар тухса тăнă. Ун чухне вăл пĕчĕк пулнă-ха, шкула та çÿремен.

Аида ВЕЛИКОВА стилист тата юрăç каланă тăрăх, унра пĕр харăсах икĕ çын пурăнать. Çак тĕлĕнмелле хăйне евĕрлĕ хĕрарăмри икĕ çынпа çывăхрах паллаштарас тесе Аидăн салонне çитрĕм. Унта кĕрсенех стена çинче паллă чăваш юрăçисен сăн ÿкерчĕкĕсене асăрхарăм. Салон мар, чăваш эстрада юрăçисен çурчĕ тейĕн...

Муркаш районĕнчи Тури Тăмлайри 71 çулти Алевтина Васильевна мăшăрĕпе Александр Петровичпа пĕр ывăлпа виçĕ хĕр пăхса çитĕнтернĕ. Пурне те пĕрешкел воспитани панă. Анчах чи кĕçĕнни чи ачашши тени тÿрре килнĕ-ши? Марина шкултан вĕренсе тухсанах темшĕн тĕрĕс çулран пăрăннă. Хăйĕн çăмăлттайлăхне пула ашшĕ-амăшĕн чунне мĕн чухлĕ ыраттарман-ши хĕр-упраç?

Кирек мĕнле хула та çĕрле тата илемлĕрех курăнать. Туристсем те вăл е ку вырăнпа ахальтен каçхине паллашма васкамаççĕ. Пирĕн юратнă Шупашкар таса та хăтлă. Лайăх çанталăкра хула урамĕсемпе киленсе утмалăх пур, çĕрлехи Шупашкар еплерех-ши? Машинăсен шавĕнчен, çынсенчен пăртак та пулин канать-ши вăл?

Ĕмĕтĕн ырă йăла пур — пурнăçланасси. Çакна Муркаш районĕнчи Çатракасси шкулĕнче вĕренекен Дима Ершов та туйса илнĕ. Кĕçĕн классен вĕрентекенĕ палăртнă тăрăх, актер пулас шухăш тахçанах тĕвĕленнĕ унра. Спектакльте выляс ăсталăх пурри пĕрремĕш класа килсенех сисĕннĕ. Ĕмĕтне ашшĕ-амăшне пĕлтермесĕр вăрттăн упраса пурăннăскер телейлĕ кун çитессе шаннă.

Çу уйăхĕн 21-28-мĕшĕсенче Пĕтĕм Раççейри «Орленок» ача-пăча центрĕнче çĕршыври çул-йĕр çамрăк инспекторĕсен финалĕ иртнĕ. Ăна кăçал ЮИДçăсен юхăмĕ çуралнăранпа 45 çул çитнине халалланă.

Страницы