Архив - Июн 2018

Çак ĕç И.Я.Яковлев çуралнăранпа 170 çул çитнине халалланă

регионсен хушшинчи ача-пăча пултарулăхĕн

«Ман халăх — ман тăван çĕршыв» конкурсĕнче

«Чи лайăх калав» номинацире 1-мĕш вырăн йышăннă.

Кашни халăхăн сăваплă вырăнсем пур. Пĕринче унăн чаплă çынни çуралса ÿснĕ, тепринче пултаруллă йăхташĕ ĕçленĕ. Виççĕмĕшĕ — ку вырăнта унăн халăхĕн историпе е культурипе çыхăннă паллă пулăм пулса иртнĕ тата ытти те.

Акă вĕренÿ çулĕ тăршшĕпех кĕтнĕ каникулăн пĕрремĕш уйăхĕн çурри иртрĕ те. Вăхăт сисĕнмесĕрех шăвать. Апла пулин те Йĕпреçри 2-мĕш шкул картишĕ вăйă-кулăпа тулли пулни урамранах палăрчĕ — шкул çумĕнчи лагерь сасси ку. Вĕренÿ çулĕнче ачасем çанă тавăрса пĕлÿ илнĕ. Тата шкулта тĕрлĕ кружок ĕçленĕ: «Робототехника», «Шкул лесничестви», «Çул-йĕр çамрăк инспекторĕсем» тата ытти те.

Шупашкарти 5-мĕш гимназире вĕренекен Илья Андреев нумаях пулмасть Мускаври Çĕнтерÿ музейĕ тата Журналистсен лиги йĕркеленĕ Пĕтĕм Раççейри «Çĕнтерÿ объективĕ» видеоконкурсра 1-мĕш вырăна тухнă. 5 минут пыракан роликшăн вăл пысăк ĕç туса ирттернĕ.