Архив - Ноя 2019

ноябрь 19th

19 Ноя, 2019

Ял ачи те хуларипе тан пĕлÿ илтĕр

Çĕрпÿ районĕнчи Сăнав поселокĕнчи вăтам шкул директорĕн вĕрентÿпе воспитани енĕпе ĕçлекен çумĕ Клавдия Григорьева Пĕтĕм Раççейри «Точка Роста» центрĕсен пĕрремĕш форумĕн ĕçне хутшăннă.

www.hypar.ru

 

19 Ноя, 2019

Савăнтаракан, çав вăхăтрах чуна ыраттаракан çулпа...

Эпир пĕчĕк чухне хĕрачасенчен ытларахăшĕ ÿссен артистка пулма ĕмĕтленетчĕ. Хĕллехи вăрăм каçсенче Чăваш радиовĕпе спектакльсене итленĕ май тĕвĕленнĕ ĕнтĕ çав шухăш. Паллах, пурте артист пулайман, анчах ку енĕпе киленÿ тупма мехел çитернĕ. Астăватăп-ха: хăй вăхăтĕнче кашни клуб çумĕнче драма кружокĕ ĕçлетчĕ. Акă ăçта тĕрĕслеме пултарнă пултарулăха. Ырă пулăм халĕ те хăйĕн хăватне çухатмасть. Хальхи вăхăтра республикăри культура учрежденийĕсен çумĕнче театра юратакансен ушкăнĕ вун-вун, çĕр-çĕр. Вĕсенчен ытларах пайĕ — ял-салара.

19 Ноя, 2019

Трак енсене шапăртăк чапа кăларнă

Купăс çук чухне мĕн тумалла? Ушкăнпа пĕрле пĕр харăс, пĕр кĕвĕллĕ тăпăртатса ташламалла. Çапла тунă та чăваш хĕрарăмĕсем. Сăмахăм «Трак ен» халăх фольклор ансамблĕн «Шапăртăк» ташши çинчен. Вăл Красноармейскисен визит карточки пекех.

«Чим-ха, кунта пĕр çаврăм сиксе юлнă»

19 Ноя, 2019

Укçа пурне те çитет-и?

Статья ятне кăларнă ыйту хуравĕ уçăмсăр-ха, анчах Чăвашкредитпромбанкпа çыхăннă лару-тăру влаçсене те пăшăрхантарать, çавна май эрнекун Шупашкарти Ухсай ячĕллĕ культура керменĕнче республика Правительствин пуçлăхĕ Иван Моторин, йывăрлăха кĕрсе ÿкнĕ банкăн РФ Тĕп банкĕ йĕркеленĕ вăхăтлăх администрацийĕн тата Вкладсене страхлакан агентство представителĕсем лицензисĕр тăрса юлнă банк вкладчикĕсемпе курнăçрĕç, çынсен ыйтăвĕсене хуравларĕç.

«Пушарпа» Пожарская кĕрешет

ноябрь 18th

18 Ноя, 2019

Тĕнче курма… тĕнчене тухмалла

Выртан каска мăкалнă теççĕ. Те çав халех мăкалас мар туйăм хăвалать — таçта та çитсе темĕн те курас килет. Раççей тĕп хулине çула пуçтарăннă чух нимех те курса тĕлĕнме шухăшламан паллах. Ара, пурте пĕр çĕршыврах пурăнатпăр, саккунĕсем те пĕрех. Уйрăмлăхĕ те — шалура кăна. Анчах та унта та ăна пурте кĕреçепе хырмаççĕ. Топ шайĕнчи менеджерсен ĕç укçи вара тахçанах — вăрттăнлăх мар. Çав шутра — вĕсем çав пукансене мĕнле майпа йышăнни те.

18 Ноя, 2019

Васкавлă пулăшу тытăмĕнче çамрăк йышлă

Çĕрпÿ районĕнчи Мăнçутра пурăнакан Ольга Егорова чÿк уйăхĕн 14-мĕшĕнче пĕлĕшĕпе пĕрле кăнтăр апачĕ çитичченех Çĕрпĕве васканă. Район центрĕнче васкавлă пулăшу подстанцийĕн çĕнĕ çуртне савăнăçлă лару-тăрура уçассине пĕлнĕскер вырăна вăхăтра çитме хыпаланнă.

Страницы