Архив - Мар 2015 - Хыпар

март 31st

31 Мар, 2015

Ырă пулăм: Канаша аталантарма - 605,5 млн тенкĕ!

Юлашки çулсенче Раççейри хуласене патшалăх пулăшăвĕпе уйрăммăн аталантарасси вăй илет. 2010 çулта 35 монохула шутне Çĕнĕ Шупашкар та кĕнĕ, 3 млрд тенке яхăн илнĕ, çав шутран 1,5 млрд - федераци хыснинчен.

31 Мар, 2015

Ĕçе лайăх пĕлни пĕлтерĕшлĕ

Çак кунсенче «Шупашкар керамики» АУО, республикăри чи пысăк предприятисенчен пĕри, хăйĕн 55 çулхи юбилейне паллă турĕ. Агрегат завочĕн культура керменĕнче иртнĕ савăнăçлă мероприятие çын йышлă хутшăнчĕ. Вĕсене юбилей ячĕпе Чăваш Ен Пуçлăхĕ Михаил Игнатьев саламларĕ.

31 Мар, 2015

«Хастарланнипе» кăна инçе каяймăн

Пытармастăп, Чăваш Республикин Пуçлăхĕ çумĕнчи Коррупципе кĕрешекен координаци канашĕн эрнекун иртнĕ черетлĕ ларăвĕнче журналистсем тунсăхларĕç теме те юрать. Кашнинчех хивре калаçу пулаканччĕ, ку хутĕнче вара сенсаци йышши тĕслĕхсем пулмарĕç, хыснана хăйĕн кĕсйипе арпаштарнă чиновниксен, эпир пĕлменнисен, хушамачĕсем янăрамарĕç... Çапах хăшпĕр саманта çырса кăтартни кирлех.

31 Мар, 2015

Сире мĕнле тÿлеççĕ?

"Сĕт туса илекен килти хушма хуçалăхсемпе вĕсем паракан сĕт пахалăхне шута илсе тÿлесе татăлмалли тухăçлă тытăма 2015 çулхи июль уйăхĕн 1-мĕшĕччен туса хума хушатăп. Пысăк хуçалăх субъекчĕсемпе туса илнĕ сĕтшĕн тÿлесе татăлнă чухне çавнашкал тытăмпа усă кураççĕ ĕнтĕ. Çапла шутлатăп, ку ыйтура тĕрĕслĕхе уççăн палăртмалла тата тĕрлĕ формăллă хуçалăхсене тытса пыма пĕрпек лайăх майсем туса памалла".

/ЧР Пуçлăхĕ Михаил Игнатьев Патшалăх Канашне янă Çыруран/.

31 Мар, 2015

Шел, сĕте шыв хушаççĕ

Сĕт пахалăхĕ çинчен сăмах тапратсан килти хуçалăхра ĕне усракансем: "Пирĕн продукци пирки иккĕленмелле мар!" - теççĕ. Çапах та редакцие тепĕр майлă информаци килме тытăнчĕ. "Хыпар" вулаканĕсене унпа та паллашма сĕнетпĕр.

31 Мар, 2015

Паянах килсемĕр!

Çак усал хыпара мартăн 20-мĕшĕнче Канаш районĕнчи Кушăкран телефонпа /56-08-62/ «Хыпара» шăнкăравласа пĕлтеретĕп: «Молочный двор» общество çынни: «Сирĕн ялти килти хуçалăхсенчен пуçтаракан сĕтĕн сутлăх хакне мартăн 27-мĕшĕнчен 15 тенкĕ /кашни литршăн/ хăваратпăр», - терĕ. Вăл ООО пирĕн сĕт çăралăхне, унти çупа белок шайне, ытти кăтартăва тĕпе хурса мар, килти хуçалăхсене сахалрах тÿлессишĕн, хăй тупăш ытларах илессишĕн хака çулталăк пуçланнăранпах пĕчĕклетсе пырать.

31 Мар, 2015

Çĕнĕ ĕмĕрти театр. Мĕнле пулмалла вăл?

Чăвашра театра çÿреме юратнине çак кăтартусем аван çирĕплетеççĕ: 2012 çулта патшалăх театрĕсене 360783 çын çитсе курнă пулсан, 2014 çулта - 375066 çын. Вĕсенче мероприятисем ирттересси те сисĕнмеллех ÿссе пырать: иртнĕ çул, 2012 çулпа танлаштарсан, 161 спектакль ытларах кăтартнă. Репертуар пирки çакна каламалла: çулленех сцена çине 20 ытла çĕнĕ спектакль тухать.

31 Мар, 2015

Çĕнтерÿçĕсене чысларĕç

Юлашки вăхăтра çине-çинех спектакль пăхма тÿр килчĕ. Театр искусствин «Чĕнтĕрлĕ чаршав» республика конкурсĕн жюри членĕ пулнă май унта тăратнă ĕçсемпе паллашрăм. Пĕр пытармасăр калатăп: хушма ĕç мана пĕрре те «йывăра» килмерĕ. Пачах урăхла, театр кунçулĕ, унăн пархатарлă ĕçĕ тата çывăхланчĕ, артистсем тăвакан асамлă тĕнче ытларах та ытларах тыткăнларĕ.

31 Мар, 2015

Çуллен пушарпа кĕрешетпĕр

"Хыпар" ыйтăвĕсене "Сăрçи" заповедник /управлăх/ директорĕ Евгений Витальевич ОСМЕЛКИН хуравлать.

- Шкул тулашĕнчи ĕçсен "Эткер" центрĕнче ачасене чĕрчун тĕнчипе паллаштаракан музей пурччĕ. Вĕсене нумай çул усă пачĕ. ЧР Вĕренÿ министерстви иртнĕ çул ăна хупма йышăннине "Хыпар" пĕлтернĕччĕ. "Эткер" çуртĕнчех хăварма май килчĕ-и?

Страницы