Архив - 24 Авг, 2016 - Хыпар

24 Авг, 2016

ЛИМФА ТЫТĂМĔ ТĔРĔС ĔÇЛЕТĔР

Лимфа тытăмĕн тĕп ĕçĕсем — организма бактерисенчен, вируссенчен, наркăмăшсенчен хÿтĕлесси, белоксене, тăварсене, шыва тĕртĕмсенчен юна тавăрасси. Тĕпрен илсен, пирĕн иммунитет мĕнле пуласси те вăл тĕрĕс ĕçленинчен нумай килет. Лимфăна тасатма пулăшакан чи ансат та витĕмлĕ мелсемпе паллаштаратпăр.

Тăпăрчă шывĕпе кефир

1-мĕш кун. Çăмăл апат, çывăрма выртиччен 2 сехет маларах — тасатакан клизма.

24 Авг, 2016

ПИТ ÇИНЕ - ДЫНЯ

Дыньăн пĕçернĕ ăшĕ пигмент пăнчинчен, чĕкеç шатринчен, пÿрлешкерен хăтăлма пулăшать.

Дыня ăшне вăйсăр çулăм çинче 5 минут пĕçермелле, тÿмелле те сăрăхтармалла. Юлнине пит çине ăшăллах хумалла. 10-15 минутран маскăна асăрханса илмелле, пите мамăк тампонпа сăтăрмалла. Процедурăна кашни кун тусан витĕмĕ пĕр эрнеренех палăрать.

Типĕ, çил çинче кушăрханă ÿтшĕн те дыня маски лайăх.

Дыня ăшне нимĕрлесе пит тата мăй çине çÿхе сийпе хумалла. 15 минутран мамăк тампонпа тасатмалла, ÿте тутлăхлă крем сĕрмелле.

Типĕ, пиçĕлĕхĕ пĕтнĕ ÿте дыня сĕчĕ аван уçăлтарать.

24 Авг, 2016

Хальхи пурнăçпа килĕшÿллĕн аталанаççĕ

Чăвашпотребсоюз, Чăваш Республикин Информаци политикипе массăллă коммуникацисен министерстви, Журналистсен союзĕ нумай çул туслă çыхăну тытаççĕ, пĕрлехи мероприятисем йĕркелеççĕ.

24 Авг, 2016

Депутатăн мĕнле пулмалла?

Дисциплинăна пăхăнакан, ĕçлеме пултаракан тата йĕркеллĕ политик — Раççей суйлавçисем Патшалăх Думин депутачĕн идеалне шăпах çапла кураççĕ. Унăн тĕп пахалăхĕсем хастарлăх, компетентлăх тата ĕçе пурнăçлани пулмалла. Çакнашкал пĕтĕмлетÿпе Халăх шухăшне тĕпчекен Пĕтĕм Раççейри центр /ВЦИОМ\ пуçлăхĕ Валерий Федоров кăçалхи çĕртме уйăхĕнче паллаштарнă.

24 Авг, 2016

Çухалнă лаша йĕвенĕ

Иван Мокин иккĕмĕш тĕнче вăрçинчен таврăнсан икĕ çултан хăй çуралса ÿснĕ Шупашкар районĕнчи Хачăкра лавккара ĕçлеме пуçланă. Çулĕсемпе вăтăр урлă каçнăскер суту-илÿ ĕçне çанă тавăрса тенĕ пек кÿлĕннĕ.

Çарта гварди кĕçĕн лейтенанчĕ пулнăскер, пакунĕсене хывсан пĕр хушă колхоз председателĕнче тăрăшнăскер саккуна пăсмасăр ĕçлессе шаннă. Шел, «ăçта ÿкессе пĕлменскер çемçе тÿшек сарма» тавçăрайман вăл.

24 Авг, 2016

Сăн-пит илемне сăнласа Катьăн чун илемне кăтартнă

Патăрьел районĕнчи Турханта çулсеренех иртекен Пĕтĕм тĕнчери пленэрта асра юлмалли яланах пулать. Кăçал, сăмахран, юбилейлĕ X пленэра пухăннă сăрă ăстисем хăйсен ĕçĕсенче чăваш хĕрарăмĕн илемне, сăпайлăхне кăтартнă.