Архив - Апр 2018 - Хыпар

Елчĕк районĕнчи Тÿскел ялĕнче çуралса ÿснĕ Дмитрий Судаков çамрăк-ха, апла пулин те вăл ялти çынсен хушшинче тахçанах ырă ят çĕнсе илнĕ.

Патăрьел районĕнчи «Батыревский» акционерсен хупă обществин çуртĕнче пĕлтĕрхи çу уйăхĕнче «Версаль» кафе уçăлчĕ. Вăл Совет урамĕнчи 38-мĕш çуртра, райцентртан Кивĕ Ахпÿрте, ытти яла каймалли çул хĕрринче. Кафе çу уйăхĕн 1-мĕшĕнче çулталăк тултарнине паллă тăвать. Клиентсен ыйтăвне мĕнле тивĕçтерет-ха? «Версале» ĕçлеттерекен «Агропартнер» тулли мар яваплă общество директорĕ Николай Каклимов хуравлать.

Дагестан каччи Висраил Хаманаев 19 çулта кăна. Унăн пултарулăхĕпе ăсталăхне нумай çул опыт пухса туптанă çыннăннипе танлаштарма пулать. Ташлама юратаканскере Кавказ тăрăхĕнчи ташăсем хавхалану кÿреççĕ. Пĕлтĕр вăл Шупашкарти «Салют» культура керменĕ çумĕнче «Ту ачисем» ансамбль йĕркеленĕ.

25-30 çул каялла кашни ялта кино кăтартатчĕç. Тем амакне пула лайăх ĕç путланса ларчĕ. Халĕ çак ĕç çĕнĕрен вăй илни пирки калаçаççĕ. Тĕрлĕ хула-салара кинозалсем уçăлнине пĕлтереççĕ. Пирĕн тăрăха çак ырлăх хăçан çитĕ-ши?

Ял çыннисем ыйтнипе – Хĕрлĕ Чутай салин старости Зоя КУЗНЕЦОВА.

Вулакан ыйтăвне Чăваш Республикин культура министрĕ Константин ЯКОВЛЕВ хуравлать:

   * «Литература маншăн — пысăк тĕнче…»

   * Чăнкă асанне

Пит тĕлĕнтермĕш асанне,
Туссемĕр, манăн пур.
Тупать-çке култарма майне,
Шÿтлет хăй ай тур-тур...
Чунпа вăл çав тери пуян,
Пĕлет хăй темĕн те...
Алла пачах тытман туя
Пулсан та çитмĕлте.
Ĕçчен те йăрă çав тери —
Чупса çÿрет кăна.
Мĕнре сăлтавĕ тетĕр-и?
Савмасть чир-чĕр ăна...
Çинçе те йăрăс пулнăран
Ман кив япаласем
Ахаль выртмаççĕ. Йăлт унра —
Ик ĕмĕрлĕ вĕсем.
Кĕске кĕпе те ним те мар
Мĕн-ма парас юта?
Бейсболка, çĕлĕк, шăлавар —
Йăлтах каять хута.

Юманай Лекçейне, хăйĕн ăнăçсăр сăввисемпе редакцисене канăç паман этеме, чылайранпа курманччĕ. Паян троллейбусра ăнсăртран тĕл пултăм та сăмах хушмасăр тÿсеймерĕм.
— Леха-Алеха, эсĕ-çке ку! — хытанка аллине асăрхануллăн чăмăртарăм унăнне. — Ăçта çухалса пурăнатăн пĕр сас-хурасăр? Пытанса сăвăллă роман çырмастăн пулĕ те?
— Э-э, каккуй сăвăллă роман, — пашалу пек тутине чалăштаркаларĕ Юманай. — Калав тĕпренчĕкĕ те çырмастăп халь.
— Ма ун пекех тарăхрăн тата? — тĕлĕнтĕм эпĕ.

Юлашки çулсенче хамăрăн генилле поэтăмăрăн Çеçпĕл Мишшин çуралнă кунне палăртас умĕн унăн кĕнекисене алла илсе вуласси йăлана кĕрсе кайрĕ манăн. Вуланăçемĕн вара пуçра темĕн тĕрлĕ шухăш çуралать: поэт ĕмĕчĕсем, чĕнсе каланисем пурнăçа кĕрсе пыраççĕ-ши, атте-анне чĕлхипе анлăн усă куратпăр-и, авалхи несĕлсем парса хăварнă чăвашлăх туйăмне тивĕçлĕ уяса пурăнатпăр-и?

Маруç – троллейбус кондукторĕ. Ĕçĕ çăкăр çукран пашалу тенĕ пек кăна-ха ĕнтĕ: урăх ниçтах та йăпăр-япăр вырăн тупайман пирки çеç кÿлĕнме тиврĕ сумсăр çак ĕçе. Хырăм кулленех – кунне виçĕ хутран кая мар-ха тата! – выçса аптăратман тăк, пуçне çак «йăлмака» пырса чикес çукчĕ те вĕт. Вăхăтлăха тесе вырнаçрĕ те – виçĕ çул та иртсе кайрĕ унтанпа. Сумсăр пулмасăр, сумсăрах ĕнтĕ кондукторта çÿресси: кашни-пĕри, ÿркенменни, урлă куçпа пăхать, кирлех пулсан – хар-р кăшкăрать йытăлла, транспортра ярăннăшăн укçа тÿлеме ыйтсан мĕн кăна хăтланса кăтартмаççĕ-ши тата!..