Архив - 2017 - Хресчен сасси

декабрь 6th

6 Дек, 2017

Туслă та ĕçчен Сверчковсем

Красноармейски районĕнчи Анатри Типçырма ялĕ айлăмра вырнаçнă. Кунта ватти-вĕтти пĕр-пĕрне аван пĕлеççĕ. Сверчковсен тĕлне ыйтсан тÿрех кăтартса ячĕç.

ноябрь 29th

29 Ноя, 2017

Исетерккĕ «кулакĕсем»

Революци хыççăн нумай та вăхăт иртмен, Граждан вăрçи пуçланнă. Çĕршыв каллех йывăрлăха кĕрсе ÿкнĕ. Фабрикăпа заводсем ĕçлемен, хыснана налук сахал пуçтарăннă. Шуррисемпе çапăçма вара укçа нумай кирлĕ пулнă. Большевиксем çивĕч ыйтăва татса памашкăн налук ытларах сăптăрма тытăннă. Ялта тар кăларса ĕçлекен, лайăхрах пурăнакан çемьесене уйрăмах йывăр тивнĕ. Вĕсемшĕн налук /чрезвычайлă революци налукĕ. — Авт./ палăрмаллах ÿснĕ. Çил арманĕ тытакансене кулаксен шутне кĕртнĕ. Сăмах май, Исетерккĕ ялĕнче 7 çемьен çил арманĕ пулнă.

29 Ноя, 2017

«Ашак пек ĕçлесе ĕмĕр иртрĕ»

«Эпир ĕçлесчĕ тесех ĕçленĕ. Халĕ те ĕçлемесĕр пурăнаймастăп. Ун пек хăнăхман та… Ĕç пурнăçа тытса тăрать», — тет Красноармейскинче пурăнакан Зоя Аркадьева. Вăл Первомайски урамĕнче вырнаçнă çуртне ирхине пиллĕкре тухса каять те хваттерне каçхине кăна таврăнать. Сакăр теçетке çула хыçа хăварнă Зоя Аркадьевна килти хушма хуçалăхĕнче выльăх-чĕрлĕх тытать, пахча çимĕç ÿстерет.

29 Ноя, 2017

Тилĕ нумайланнă

Юлашки вăхăтра Чăваш Енре тилĕ йышĕ ÿсни куç кĕрет. Уйрăмах вĕсем республикăн кăнтăр районĕсенче алхасаççĕ. Патăрьел районĕнчи хăш-пĕр ялта «чее туссем» килти хушма хуçалăхсем патнех пынин, чăхсене йăкăртса кайни пирки те калаççĕ. Тискер чĕр чунсем çын куçĕ умне курăнма та хăрамаççĕ имĕш…

29 Ноя, 2017

Техникăна тирпейлĕ упрамалла

Ял хуçалăхĕнче техникăсăр пĕр ĕç те тăваймăн. Çур акипе вырма, ытти ĕçĕн шăпи ăна епле хĕл каçарнинчен, юсаса хатĕрленинчен нумай килет. Ку енĕпе ЧР Хăй тĕллĕн çÿрекен машинăсен тата техникăн ытти тĕсĕн юсавлăхне сăнаса тăракан патшалăх инспекцийĕ çулленех нумай мероприяти ирттерет. Унăн пуçлăхĕнчен — патшалăх тĕп инженер-инспекторĕнчен С.Ю.Вязовскирен çакăн пирки тĕплĕнрех каласа пама ыйтрăм.

29 Ноя, 2017

Ял пурнăçне хулапа улăштармĕ

«Икĕ алла — пĕр ĕç», — тенĕ те Лариса Федорова тĕп бухгалтертан фермера куçнă. Кăçал «Фермер ĕçне пуçăнакан» программăна хутшăнса патшалăх пулăшăвне тивĕçнĕ.

ноябрь 24th

ноябрь 22nd

22 Ноя, 2017

Чун-чĕре уй-хире туртать

Уйра хăватлă техника йывăррăн кĕрлет. Çанталăк уяртнă пулин те лаптăкра çав-çавах йĕпе, путать. «Кунта çулла та йĕркеллĕ типмест. Пирĕн тăрăхра çĕр чаплах мар. Çумăр çусан анана кĕреймĕн, хĕвел пăхсан чул пек хытать», — ăнлантарчĕ Йĕпреç районĕнчи Пучинкери Валерий Антонов трактор çинчен аннă май.

Страницы