Архив - 17 Мая, 2018 - Тантăш

17 Мая, 2018

Тухьяпа — «Будильникра»

Хĕрлĕ Чутайри ача-пăча пултарулăхĕн çуртне çÿрекен Юлиана Никифорова /ертÿçи — хушма пĕлÿ паракан педагог Татьяна Горбунова/ ача-пăча пултарулăх ĕçĕсен «Золотые кружева России» ăмăртăвне хутшăннă. Ку телекурав конкурсĕ кăçалхи пуш уйăхĕн 6-мĕшĕнчен пуçласа çу уйăхĕн 5-мĕшĕччен пĕрремĕш хут иртнĕ. Ăна «Медиа покорение» продюсер центрĕ «Будильник» ача-пăча интернет телеканалĕпе пĕрле йĕркеленĕ. Юлиана конкурсра 1-мĕш степеньлĕ «кĕмĕл» лауреат пулса тăнă. Жюри вăл хатĕрленĕ тухьяна хакланă, ăсталăхĕнчен тĕлĕннĕ.

17 Мая, 2018

Вĕсене пурнăç анлă çула йыхравлать

Шкул пурнăçĕ — тĕлĕнмелле савăк та хавхалануллă вăхăт. Кашни ăрăвăн аса илмелли пайтах. Етĕрнери 3-мĕш шкулти 11-мĕш «а» класри ултă вĕренекеншĕн çамрăклăх сукмакĕнчи ăнăçлă пĕрремĕш утăм ЧР Пуçлăхĕн стипендине тивĕçнипе пуçланнă ахăр. Çак хавхаланăва епле йышăннă вĕсем, мĕнле тĕллевсем илĕртеççĕ пĕр яшпа пилĕк хĕре?
Антон ЛУКИН: «Районти культура çуртĕнчи театр студине чун туртнипе темиçе çул сукмак хыврăм. Унта аслисемпе те, тантăшсемпе те сцена çине тухатăп. Кунпа çеç лăпланмастăп. Волонтер юхăмĕн членĕ те эпĕ.

17 Мая, 2018

Мала тухнисене чысларĕç

Нумаях пулмасть Чăваш наци библиотекинче «Эпĕ пĕчĕкçĕ чăваш — 2018» видеосăвăсен конкурсĕнче мала тухнисене чысларĕç. Конкурса «Шкулта» интернет журнал, Чăваш чĕлхин инçет вĕренÿ центрĕ, Чăваш халăх сайчĕ, Чăваш наци конгресĕ, Чăваш наци радиовĕ тата Чăваш наци библиотеки йĕркеленĕ.

17 Мая, 2018

Каччă пек тăхăнса ташларăм та...

Ял хĕрринчи кÿлле шыва кĕме чупни, арçын ачасемпе вăй виçни, шкула урок хатĕрленмесĕр кайса ларни, хаçата пĕрремĕш заметкăсем çырни… Ачалăх çавăнпа асамлă та.

17 Мая, 2018

Ишессипе — Раççей призерĕ

Олимп резервĕсен 9-мĕш спорт шкулне çÿрекен Арина Кошкина ишессипе Раççей ăмăртăвĕнче кĕмĕл тата бронза медальсем çĕнсе илнĕ. Ăмăрту Саранскри Шыв спорчĕн керменĕнче 50 метр вăрăмăш бассейнра пилĕк кун иртнĕ.