Архив

Чăваш хĕрарăм кĕпи кăраллăхĕ - куç тулли. Тÿрех курăнать: вăл вăрçă çи-пуçĕнчен «çуралнă». Хушпу-тенкĕ вара - хÿтĕлев çуй-кăралĕ. Унăн тытăмĕ – юлан утçăна юрăхлă çи-пуç. Çуран çапăçакан валли мар çак тум. Аркăллă кĕпене кĕскетсен вăл та куртка пулса тăрать - лаша утланса çÿремелли тумтир.

Содержание

«Тĕнчере çĕр турă мар, пĕр турă анчах», - тенĕ ватăсем. Çак шухăша ĕлĕк кăна мар, халĕ те калаççĕ туррăн хăватне шанса, ĕненсе пурăнакансем. Чи хакли - чыса, чун тасалăхне, çылăх тăвассинчен хăвна упрама пĕлни. Çакна пăхăнни тĕрлĕ тĕне ĕненекенсене те пĕр çемьене чăмăртанма кансĕрлемест.

Канаш районĕнчи Çĕнĕ Ахпÿрт ялĕнче çуралса ÿснĕ Василий Семенов çерем çĕр уçма кайнă тапхăра пурнăçĕнчи телей çулĕсемпе танлаштарать. Василий Семенович çак ĕçе икĕ хут хутшăннă. Çав çулсене вăл халĕ те йăл кулăпа, ăшă кăмăлпа аса илет. Çерем çĕр уçнă чухне савăнмалли те, пăшăрханмалли те пулнă.

Çынна çаратмалли меслетсем саманана кура улшăнаççĕ. Кăçалхи пуш уйăхĕн 17-мĕшĕ тĕлне Чăваш Енре пулнă вăрă-хурахла 300 ĕçе шута илнĕ. Вĕсенчен 68,8 процентне кăна уçăмлатма май килнĕ. Кунашкал преступленисене иртнĕ эрнере ЧР ШĔМĕнче иртнĕ пресс-конференцире сÿтсе яврĕç.

Акан 1-мĕшĕ - Кулăш кунĕ. Пĕтĕм тĕнче çак кун хырăм тытса кулать. Çынсем пĕр-пĕрне шăнман пăр çине лартса яраççĕ, шÿтлеççĕ, вăлтаççĕ. Апла пулсан та пĕр-пĕрне кÿренмеççĕ. Республикăра кулăш ăстисене пÿрне хуçса шутлама пулать.

Пĕрисем çуркуннене хĕвел ăшшишĕн кĕтеççĕ, теприсем симĕс курăкшăн, ешĕл улăх-çараншăн тунсăхласа çитнипе, виççĕмĕшĕсем çут çанталăк чĕрĕлнĕ чухне çĕнĕ вăй кĕрессе шаннипе. Тĕрлĕ вĕренÿ заведенийĕнче ăс пухакан хĕр-упраçпа яш-кĕрĕм çулталăкăн çак вăхăтне «Студентсен çуркунни» фестиваль пуçланнипе кĕтет.

Чылай студент стипенди çитсе пыманнипе ĕç шыраать. Хăшĕ-пĕри çак утăма ашшĕ-амăшĕнчен пулăшу илме май çуккине туйса тăвать. Республикăра нумай ачаллă тата сахал тупăшлă çемье сахал мар. Паллах, пушă вăхăта усăллă ирттерме тăрăшаканскерсене хурлама сăлтав çук. Хăшĕ-пĕри промоутерта, таксистра, официантра, мерчендайзерта, курьерта ĕçлет, теприсем пĕлтерÿ çыпăçтарса çÿреççĕ, виççĕмĕшĕсем сутуçăра вăй хураççĕ. Студентсене вĕреннĕ хушăрах ĕçлеме мĕн хистет-ха? Вĕсем мĕнле йывăрлăхсемпе тĕл пулаççĕ?

Хисеплĕ редакци! Сирĕн хаçатра усăллă канаш яланах тупма пулать. Манăн та ыйту пур. Пирĕн хĕр кăçал институт пĕтерет. Вăл куçăн мар майпа пĕлÿ пухать, çав вăхăтрах хулари пĕр лавккара вăй хурать. Унта вăл 2010 çултанпа ĕçлет. Манăн шухăшпа, вĕренекен ачана сесси вăхăтĕнче отпуск илсен те тÿлемелле. Эпĕ çакăн пирки пĕр хаçатра тахçан вуланăччĕ. Анчах халĕ ĕç паракансем çав отпуска хăйсен шучĕпе кăна параççĕ. Пирĕн ача та сесси вăхăтĕнче çулталăкра икĕ хут отпуск илет, ăна уншăн тÿлемеççĕ. Организаци çапла хăтланса тĕрĕсех тăвать-ши?