Комментировать

24 Окт, 2017

«АННЕПЕ ПĔРЛЕ» КОНКУРС

«Чăваш хĕрарăмĕ» хаçат тата республикăри Хĕрарăмсен союзĕ конкурса малалла тăсать. Условийĕсем — иртнĕ номерте.

Светлана КУЛАКОВА, Патăрьел районĕнчи Ыхра Çырми шкулĕн вĕрентекенĕ: «Пĕр чăматан кĕнекепе...»

Манăн анне — Лидия Шихранова — кăçал çитмĕл тултарчĕ. Чăваш патшалăх педагогика институтĕнче физикăпа математика факультетĕнче вĕренсе аслă пĕлÿ илнĕскер вăтăр çул ытла шкул сукмакне такăрлатрĕ: тăван ялта, Чăваш Ишекĕнче кĕçĕн классенчи ачасене пĕлÿ пачĕ. Çамрăкранах вулама çав тери юратнă аннем, халĕ те кĕнеке, хаçат-журнал алла тытмасăр пурăнаймасть. Йывăр пурнăçпа ÿснĕскер çапла калать: «Качча килнĕ чухнехи тупрам та пĕр чăматан кĕнеке пулнă». «Чăваш хĕрарăмĕ» хаçат – уншăн та, манăн çемьешĕн те тахçантанпах шанчăклă та кĕтнĕ тус.

Аттепе аннен ачисем, ултсăмăр та, çитĕнтĕмĕр ĕнтĕ. Пурте аслă пĕлÿ илтĕмĕр, чуна килĕшекен ĕçсене вырнаçрăмăр. 12 мăнукĕ, мăнукĕсен 2 ачи аннен — чун йăпанăçĕ.

CAPTCHA на основе изображений
Введите символы, которые показаны на картинке.