Комментировать

Раштавран Кăшарниччен çветке чупнă, кучченеçсем хатĕрленĕ, капăрланнă, шÿтленĕ. Килĕрен киле çÿрекенсем ырлăх-сывлăх, тулăх пурнăç сунса такмакланă. Хĕрсем улаха пухăнса юмăç пăхнă.

Çĕмĕрле районĕнчи Юманайра йăла-йĕркене манмаççĕ. Культура çурчĕпе вулавăш ĕçченĕсем вĕсене чĕртессипе тимлеççĕ. Хастарсем иртнĕ эрнере пухăннă та çветкене çаврăнса Кураккассисене уявсемпе саламлама тухнă. «Йăлине тĕпĕ-йĕрĕпе пĕлейместпĕр пулин те кашни çурта кĕтĕмĕр, кил хуçисене ырлăх-сывлăх, çителĕклĕ пурнăç сунса пăрçа сапрăмăр. Кураккассинчи ветерансен çуртĕнче аван кĕтсе илчĕç.

Кинемейсемпе мучисем чунран савăнчĕç», — каласа пачĕ Юманайри культура çурчĕн хореографĕ Александра Тимофеева. Çветкесене хăналаççĕ, кучченеçпе ăсатаççĕ. Ку тăрăхра чĕнмен хăнасене кĕрпе параççĕ. Йĕрке тăрăх — кайран унран пăтă пĕçерсе çимелле. Кăшарнире культура ĕçченĕсем Уйпуçне çул тытĕç, унта халăхпа пĕрле вакка чăмса тухĕç. Усал-тĕселе хăваланăскерсен тасалмалла теççĕ.

Çĕмĕрле районĕнчи Хутарсем те Юманайсенчен юлмаççĕ. Культура çурчĕн «Ĕмĕт» фольклор ушкăнне çÿрекенсем ачасем валли «Паян пирĕн Çветке» уяв хатĕрленĕ. Малалла вулас...

Ольга КАЛИТОВА.
CAPTCHA на основе изображений
Введите символы, которые показаны на картинке.