Комментировать

12 сехет тӗлне Чӑваш Енре пурӑнакансен 43 яхӑн проценчӗ суйлава хутшӑннӑ. Кун пирки ЧР Тӗп суйлав комиссийӗн председателӗ Александр Цветков пӗлтерчӗ.

"10 сехетренпе хушӑм 3 процента яхӑн. Малта пыракансем – Елчӗк, Хӗрлӗ Чутай, Красноармейски районӗсем. Канаш, Улатӑр, Ҫӗмӗрле хулисенче кӑтартусем пӗчӗк".

Тӗп суйлав комиссине йӗркене пӑсни ҫинчен те пӗлтереҫҫӗ. Хӑш-пӗр суйлав участокӗсенче суйлавҫӑсене укҫа сӗнекенсене асӑрханӑ. Тепӗр ҫӗрте, паян агитацилеме юрамасть пулин те, вӑл е ку кандидатшӑн сасӑлама чӗнсе калакансем тупӑннӑ.

"Кашни пӗлтерӗве шута илнӗ, право хуралӗн органӗсем тӗрӗслеҫҫӗ", – терӗ Александр  Цветков.

www.hypar.ru

Валентина БАГАДЕРОВА. Автор сăн ÿкерчĕкĕсем.