Çуткассине çутатнă писатель

Чăвашсен паллă писателĕн Леонид АГАКОВĂН кĕнекисене алла тытса курнă çын унăн кун-çулĕпе кăсăкланмасăр тăраймастех. Хальхинче вулакана вăл çуралнă тăрăхпа, ентешĕсем сăмах ăстине епле хисепленипе паллаштарас терĕм. Хăйĕн повеç-романĕнче тăван кĕтесĕнчи ĕç-хĕле, унти çырма-çатрана сăнланине пĕлсен тĕлĕнтĕм. Етĕрне районĕнчи Çуткасси ялĕ çырмаллă вырăнта тĕпленнĕ. Иртнĕ ĕмĕрте те, паянхи кун та ватти-вĕтти таранах юратса вулакан кĕнекесен авторĕ такăрлатнă сукмаксемпе эпĕ те мăнаçланса, тулли кăмăлпа утрăм.

Вăрçăра рота командирĕ пулнă

1910 çулхи апрелĕн 18-мĕшĕнче вăтам хресчен килĕнче кун çути курнă çыравçăн тăван ялĕн илемĕпе, кашни йывăç-тĕмпе, шурă кавирпе витĕнме ĕлкĕреймен сукмакпа киленсе пынă май çак ялта çуралса ÿснĕ Зинаида Изоркинăпа, юнашар ялти библиотекăра 40 çул вăй хуракан вулавăш ĕçченĕпе, сăмах çăмхине сÿтрĕмĕр.

- Леонид Яковлевичăн хайлавĕсемпе паллашсан вăл хăйĕн повеç-романĕнче ытларах тăван тăрăхри пулăмсене сăнланине палласа илетĕн. Улăх-çаран, çырма-çатра ячĕсем те кунтисемех. «Юманлăхра çапла пулнă» повеçĕ те çакăнтах çуралса тĕвĕленнĕ, - кăмăллă калаçрĕ Зинаида Львовна. Утакан çын аякка çитет тенĕ евĕр сапаланса ларакан ялăн вĕçне çитнине те сисмерĕмĕр. Малалла вулас...