XXI ĕмĕр пуçламăшĕнче çамрăксем ялсенчен хуланалла талпăнни çуралса ÿснĕ хутлăхĕсенчех юлнисемшĕн çивĕч ыйтăва çаврăнчĕ. Чылай ялта ача сахал çуралнипе, çамрăксен йышĕ сахалланнипе социаллă учрежденисем — садиксемпе шкулсем, культура çурчĕсемпе библиотекăсем — иртнĕ ĕмĕрĕн 70-80-мĕш çулĕсенчи пек кĕрлесе тăмаççĕ халĕ.
«Муниципалитет влаçĕн бизнеса аталанма пулăшса пымалла, ăна чăрмантармалла мар», — шăпах çак шухăш тĕпре пулчĕ районсемпе хуласен тата вĕсен администрацийĕсен пуçлăхĕсемпе йĕркеленĕ «çавра сĕтелте».
Ака уйăхĕн 22-мĕшĕнче Шупашкарта чаплă лару-тăрура «Çуркунне — 2017» уйăхлăх уçăлнă.
Ярмăркка кунĕсенче хула администрацийĕ çирĕплетнĕ суту-илÿ вырăнĕсенче — «Николаев», «Çурçĕр» суту-илÿ комплексĕсенче, «Дар» ОООра — ял хуçалăх продукцине туса илекенсем, çав шутра уйрăм хуçалăх тытакансем те, хăйсен таварне ирĕклĕн сутма пултарĕç. Çавăн пекех автотранспорт çинчен те суту-илÿ тума чармаççĕ. Çак тĕллевпе суту-илÿ вырăнĕсемпе тÿлевсĕр тивĕçтереççĕ.
«Халăхăн ăс-тăнне, унăн пĕтĕм тĕнче курăмне тăван чĕлхе чун парать. Тăван чĕлхесĕр чăн-чăн пĕлÿ çук», — çапла каланă чăваш халăхне çутта кăларнă Иван Яковлев. Енчен те вăл паян чĕрĕлсе тăнă пулсан чăннипех тĕлĕннĕ пулĕччĕ. Вăл хăйĕн пурнăçĕ тăршшĕпех ĕçленĕ, тăрăшнă, ĕмĕтленнĕ ĕçĕ, шухăш-тĕллевĕ чăн пурнăçа кĕнĕ.
Указ Главы Чувашской Республики от 13 апреля 2017 года № 41 «О внесении изменений в Указ Главы Чувашской Республики от 17 мая 2014 г. № 65».
Указ Главы Чувашской Республики от 13 апреля 2017 года № 42 «О награждении государственными наградами Чувашской Республики».
Пуш тата ака уйăхĕсенче чăваш тĕррипе эрешленĕ çи-пуçа, сĕтел çиттипе ал шăллине, хушпупа тухьяна — Татьяна Петровăн, Зинаида Вороновăн, Людмила Балтаевăн ĕçĕсене — Парижри Раççей тĕнпе культура центрĕн куравĕнче кăтартни, паллах, асра юлмалли тата мăнаçланмалли пулăм.
Утса мар, чупса пырса кĕтĕмĕр Красноармейски районĕнчи Пăрăнтăкри Анисимовсен килне. Йĕри-тавра пĕлĕт карса илни васкатрĕ пире çак мăшăрпа тĕл пулма.
Кĕнеке тавра курăма ÿстерет, пурнăçра тĕрĕс утăм тума пулăшать. Шкулта ĕçленĕ чухне вĕренекенсемпе илемлĕ литературăри сăнарсене тишкернĕ чух савăнни те, хумханни те, хĕпĕртени те, пăшăрханни те пайтах пулнă. Сăмахран, Михаил Шолоховăн «Уçнă çерем» романĕнчи сăнарсен пурнăç çулне йĕрленĕ чух хамăн та, ачасен те куççуль тухатчĕ: питĕ телейлĕ курас килетчĕ Давыдовпа Варьăна. Константин Ивановăн «Нарспи» поэминче Нарспипе Сетнере тем пек пĕрлештересшĕнччĕ. Анчах пурнăçăн хăйĕн йĕрки. Пуянсемпе чухăнсен тĕнчинче кĕрешÿсĕр пулмасть.
Çулталăкăн кирек хăш тапхăрĕнче те ахаль ларма хăнăхман ял çынни. Çĕрпÿ районĕнчи Чиричкасси хĕрарăмĕсем çĕр ĕçĕ пуçланиччен çыхаççĕ-тĕрлеççĕ, Скандинави уттипе ял тавра çаврăнаççĕ. Библиотекăра ятарласах вĕсем валли ал ĕçĕсен кĕнекисен куравне йĕркеленĕ. Юлашки вăхăтра хăюпа картина ăсталакансен йышĕ ÿснĕ. Вĕсенчен пĕри — Валентина Петрова — кил-çуртне хăйĕн ĕçĕсемпе хăтлăлатнă. Унсăр пуçне картинăсене çывăх çыннисене парнелет вăл.
СУРСКИЙ РУБЕЖСКИЙ
Чăвашла верси
Русская версия
