Архив - Июн 2016 - Хыпар

июня 30th

30 Июн, 2016

Ытлашши туратлантармасăр

Помидора пирĕн тăрăхра тахçантанпах çитĕнтереççĕ, анчах çак пахчаçимĕçе кирлĕ пек пăхма пурпĕрех пĕлсех каймастпăр. Калча çитĕнтерме пурте пĕлетпĕр-ха, лартатпăр та — ашкăрса каять хайхискер. Çеçки вăйлă, çимĕçĕ вара — сахалрах.

Помидор тĕмĕнчен хăвăртрах тата шултрарах çимĕç илес тесессĕн тĕмĕн ытлашши çулçисене тата турачĕсене иртмелле. Кун пек чухне тымар çимĕç туратне тата ăна тăрантаракан çулçăсене çеç сĕткенпе тивĕçтерет.

30 Июн, 2016

Милĕк хатĕрлер-и?

Милĕк сиплĕ, техĕмлĕ пултăр тесен ăна вăхăтра касмалла, тĕрĕс типĕтсе упрамалла.

Тĕрлĕрен йывăç-курăкран хатĕрлеççĕ ăна. Чи анлă сарăлни — хурăн. Унăн шăрши ырă, çапăнма та пехетлĕ. Хурăн милĕке çĕртме уйăхĕн çурринчен утă уйăхĕн пуçламăшĕччен касса хатĕрлеме юрать. Çамрăк йывăç турачĕ аванрах. Йывăçа йăлтах касса тĕплеме кирлĕ мар, ытлашши сиен кÿмесĕр, темиçе йывăç турачĕсене иртмелле. Каснă туратсенчен тÿрех милĕк çыхмаççĕ. Пĕр талăк пек сулхăнра шантармалла.

30 Июн, 2016

Хуçалăхра пулăшать

Вĕлтрен — сиплĕ курăк. Вăл апат-çимĕç пĕçерме аван. Ака уйăхĕнчен пуçласа çĕртме уйăхĕчченех тĕрлĕрен яшка, салат хатĕрлеме усă кураççĕ.

Çавăн пекех вĕлтрен килти хуçалăхра питĕ кирлĕ ÿсен-тăран. Çулçăри фитонцидсене пула вăл аш-пăша, пулăна пăсăласран упрать. Тĕслĕхрен, çул çÿреве тухсан пулă тытнă тейĕпĕр. Пулă ăшне кăларса вĕлтрен хурсассăн, унпа чĕркесессĕн пулă чылай упранĕ.

Сĕт йÿçĕхесрен савăта вĕлтренпе çумалла, сĕте пĕр-икĕ турат вĕлтрен ямалла. Вăл хăвăрт йÿçĕхмĕ.

30 Июн, 2016

Вуза кĕме — çăмăллăхсем

Вуза вĕренме кĕрекенсен çăмăллăхĕсем /льготы/ çинчен çырсан аванччĕ.

Л.ГАВРИЛОВА.

Шупашкар районĕ.

Хăшпĕр абитуриентăн РФ саккунĕпе килĕшÿллĕн вĕренме кĕме çăмăллăхпа усă курма ирĕк пур. Пĕр-пĕр аслă вĕренÿ çурчĕ çăмăллăхçăсене юриех курмăш тума пултарать. Вĕренме кĕме хатĕрленекенĕн хăйĕн прависене пĕлмелле.

2016 çулта çăмăллăхсен çакнашкал тĕсĕсем пур.

I. Вуза экзамен тытмасăр е конкурса хутшăнмасăр кĕме май паракан çăмăллăхсем.

30 Июн, 2016

Вăрмана — çырлана

Вăрмана каякан пушă алăпа таврăнман теççĕ. Мĕн авалтан этем вăрман ырлăхĕпе усă курнă. Хурăн çырли вăхăчĕ халĕ. Çак çырлана çĕртме-утă уйăхĕнче пуçтараççĕ. Кăçал вăл иртерех пиçме пуçларĕ.

Хурăн çырли пуçтарасси пит ансатах мар. Вĕтĕскерне 1-2 литр пуçтарассишĕн мĕн чухлĕ кукленмелле. Çавăнпах-тăр вăл пасарта чи хакли. Ун пек техĕмми, ырă шăршăлли пур-ши тата? Хакне пăхмасăрах вăрман çырли тутанса пăхас текенсем сахал мар — туянаççĕ.

30 Июн, 2016

"Хресчен сасси" 25 /2612/ №. 30.06.2016

30 Июн, 2016

Туслăхпа пĕрлĕх уявĕ

Иртнĕ эрнере Чăваш Ен хăйĕн тĕп уявне - Республика кунне - чаплă палăртрĕ. Çавна май тĕп хулари Хĕрлĕ тÿремре тĕрлĕ мероприяти пулчĕ. Халăх пултарулăхĕн Пĕтĕм çĕршыври «Раççей çăлкуçĕсем» фестиваль кăçал 24-мĕш хут иртрĕ, Пĕтĕм Раççейри «Руç ăстисем» конкурс вара - 14-мĕш хут. Унта çĕршыври 19 регионтан 34 ăстаçă хутшăнчĕ. Чăваш Ен чысне 20 алĕç маçтăрĕ хÿтĕлерĕ. Вĕсен пултарулăхне 9 номинаципе хакларĕç. Конкурса Чăваш Енри Ĕç çыннин çулталăкне халалларĕç.

«Шупашкара малашне те килĕпĕр»

30 Июн, 2016

Уй-хиртен - сентре çине

Анлă территоринче такăр, таса. Ешĕл газон, клумбăри сарă-хĕрлĕ чечексем куçа илĕртеççĕ. Çанталăк шăрăх тăнă май вĕсене ирĕн-каçăн шăвараççĕ. Çак тĕлĕнтермĕше Вăрнарти аш-какай комбиначĕн сĕт-çу комплексĕнче курма тÿр килчĕ. Республика кунне комбинат Малтикас Ялтăрта çĕнĕ витепе кĕтсе илчĕ. Ăна савăнăçлă лару-тăрура уçма ЧР ял хуçалăх министрĕ Сергей Артамонов, патшалăхăн тĕп ветеринари инспекторĕ Сергей Скворцов, «Чăвашçăкăрпродукчĕ» пĕр-лешÿн тĕп директорĕ Владимир Яковлев тата ыттисем те хутшăнчĕç.

Хушма ĕç вырăнĕ

30 Июн, 2016

Çамрăксемсĕр ял илемсĕр

Ял хуçалăхне аталантарасси, çамрăксене тăван çĕре юратма вĕрентесси, вĕсене ялтах хăварасси пирки калаçрĕç «Хыпар» Издательство çурчĕн ĕçченĕсемпе Чăваш патшалăх ял хуçалăх академийĕн ректорĕн должноçне нумаях пулмасть йышăннă Андрей Макушев.

Чăн та, халĕ асăннă отрасльпе кăсăкланакан çамрăк сахал. Ытларах «таса ĕçе» кăмăллаççĕ вĕсем. Хăшпĕр ашшĕ-амăшĕ те ачисене хуланалла ăсатма тăрăшать. Хваттер туянса парать, унтах тĕплентерет. Çапла майпа ял ватăлать.

Страницы