Архив - 28 Фев, 2017 - Хыпар

Япăххипе лайăххи пĕр çыхăра пулни, паллах, тĕлĕнмеллерех илтĕнет, çакна ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăра Правительство Пуçлăхĕ Иван Моторин та палăртрĕ. Анчах республикăшăн çулталăк пуçламăшĕ чăннипех çак тĕлĕнтермĕше тÿрре кăларать — ыррипе пĕрлех пăшăрхантараканни те пур.

Предпринимательсен прависене хÿтĕлекен уполномоченнăй Владимир Иванов Министрсен Кабинечĕн кашни ларăвнех хутшăнатчĕ-ха, анчах «çавра сĕтел» хушшине мар, залри хыçаларах рете вырнаçаканччĕ. Ку хутĕнче вара Правительствăн иртнĕ юнкунхи ларăвне килнĕскер малах, министрсен патне, ларчĕ те — журналистсен хушшинче тÿрех пăшăлтату çуралчĕ. Министрсен списокĕнче ваканси пуррине кура — пушшех...