Архив - Хыпар

"Чăваш Республикин территорийĕнчи ирĕксĕрлесе тытмалли вырăнсенчи этем прависене пăхăнассин çивĕч ыйтăвĕсем" темăпа Чăваш Республикинчи Этем прависене хÿтĕлекен уполномоченнăй Юрий КРУЧИНИН çак кунсенче брифинг ирттерчĕ.

РФ Пенси фончĕн республикăри уйрăмĕ пĕлтернĕ тăрăх - Раççей Пенси фончĕ граждансен ячĕпе вĕсем 2013 çулта страховщика улăштарма ыйтса çырнă заявленисемпе килĕшÿллĕн хурав яма тытăннă.

Пирĕн республикăра саккас çырусене 59 пин çын пенси валли пухăнакан укçана иртнĕ çул управляющи компание тата патшалăхăн шутланман пенси фондне куçарасси çинчен панă заявленисене пăхса тухнин пĕтĕмлетĕвĕ тăрăх илĕ.

РФ Пенси фончĕн республикăри уйрăмĕнче кăçалхи пĕрремĕш квартал кăтартăвĕсене пĕтĕмлетнĕ.

Кăçалхи виçĕ уйăхри тупăш пĕлтĕрхи çав тапхăртинчен 11 процент ÿснĕ, 3,5 млрд тенкĕпе танлашнă. Пенси тата социаллă тÿлевсен тăкакĕ 8,6 млрд тенке çитнĕ, РФ Пенси фончĕн бюджетне казначей мелĕпе пурнăçлама тытăннă.

Право хуралĕн органĕсем ФСИНăн республикăри управленийĕн 3-мĕш колонийĕнчен тарнă ристана шыранине ахаль çынсем те туйма ĕлкĕрчĕç-тĕр: тĕп хулара хĕç-пăшаллă çынсем пассажирсене илсе çÿрекен транспорт хатĕрĕсене чарса тĕрĕслени çинчен те калаççĕ. Тарнăскере шыраççĕ-ха, куншăн унăн хушма айăплав пулĕ, анчах тартнисен те явап тытма тивет.

Кирлехчĕ-ши ялта пурăнакансене хăй вăхăтĕнче уйри çĕр лаптăкĕпе пурне те тивĕçтерме? Пĕрисен вăл хăш ял тăрăхĕнче пурăннине кура 50 сотăй йышăнать, теприсен пĕр гектартан та иртет. Унăн виçи колхозăн е совхозăн шутланса тăнă çĕр лаптăкĕн фондĕнчен килнĕ.

Тÿрĕ шатра кĕпçи /лапчатка прямая/ - шыççа хирĕçле, сурана ÿт илтерекен, организма çирĕплетекен, вăй хушакан витĕмлĕ курăк.

Раççейре çулсерен 400 ытла çынна инсульт аптратса ÿкерет. Шел те, вăл çамрăклансах пыни паллă. Паян 30-40 çултисене те тапăннă тĕслĕхсем пур. Çулсем иртсе пынă май вара хăрушлăх та ÿсет. 60-ран иртсен кашни тăваттăмĕш арçыннăн тата кашни пиллĕкмĕш хĕрарăмăн инсульт пулать.

Инсульт мĕнле чир-ха? Вăл çурăлса кайнă юн тымарĕнчи чăмакка /тромб/ е юн пуç миминчи юн куçăмне пăссан пулать. Кислородпа глюкоза çитменнипе пуç мимин клеткисем вилеççĕ, хускану, калаçу е ăс-тăн функцийĕсем пăсăлаççĕ.

Улма-çырлапа пахча çимĕçе тĕрĕс çимелле, мĕншĕн тесен вĕсем апат ирĕлтерекен органсене тĕрлĕрен витĕм кÿреççĕ.

Наци библиотекинче çу уйăхĕн 21-мĕшĕнче иртнĕ пресс-конференцие Раççей халăх артисчĕ, РФ Общество палатин членĕ, "Мосфильм" киноконцернăн генеральнăй директорĕ Карен Шахназаров режиссер тата кино, театр актерĕ, режиссер, сăвăç, Раççей халăх артисчĕ Александр Панкратов-Черный хутшăнчĕç. Вĕсем пирки çĕр çинчи çăлтăрсем теессĕм килет.

Хальхи вăхăтра Чăваш Енре пушар тухас хăрушлăх пысăк, ăна IV класли тесе çирĕплетнĕ. Çакна чи малтан сывлăш температури кăнтăрла 30 градус шăрăха çитнипе палăртаççĕ.