Архив - 2014 - Чăваш хĕрарăмĕ

Аслăял варрипе пысăк çырма сарăлса выртать. Темиçе çул ÿсекен шурă хурăнсемпе лаштра йăмрасем, симĕс тирексем тÿпенелле кармашаççĕ. Çырма айккипе - тăпăл-тăпăл çуртсем. Ял урамĕпе киленсе утнă май Григорьевсем патне çитнине сисмерĕм те.

Тăвай районĕнчи Çĕнĕ Пуянкасси ял тăрăхĕнче нумай ачаллă çичĕ çемье пурăнать. 5-шер ачаллă Степановсемпе Константиновсене валли патшалăх программипе усă курса 2010 çулта çурт çĕкленĕ, ăна мĕн пур хăтлăхпа тивĕçтернĕ. 120 тăваткал метр лаптăклăскере йывăçран купаланă. Кермен пек пÿрт - йышлă çемьесемшĕн калама çук пысăк пулăшу. Пĕрин валли кăна 1 миллион та 150 пин тенкĕ тăкакланă.

Хуçалăха çирĕплетеççĕ

Сывлăх сунатăп пурне те пĕр харăс. Эпĕ çырни ĕнтĕ чылай çынна килĕшмест. Анчах алла калем тытмасăр чун чăтмасть.

Арăмĕпе упăшки - пĕр шуйттан, вĕсен хушшине йĕркелĕх хуралçисем те кĕмеççĕ теççĕ... Те усал чĕлхесем çапла калаççĕ? Нумаях пулмасть Шупашкарта пурăнакан пĕр хĕрарăм каласа кăтартни вара шалт аптратса ячĕ...

“Чăваш хĕрарăмĕн” кăçалхи ака уйăхĕн 5-мĕшĕнче тухнă 13 /831/-мĕш номерĕнче Рита Арти хăй Турцире иртнĕ Пĕтĕм тĕрĕк журналисчĕсен пухăвне хутшăнни çинчен çырса кăтартнăччĕ. Аса илтеретпĕр, Пухăва çак çĕр-шыври Эскишехир Тĕрĕк тĕнчин культура тĕп хулин ялавне Хусана панипе çыхăнтарнă.

Унăн биографийĕ юмаха пачах аса илтермест. Тĕлĕнмелле вăйлă, çирĕп кăмăллă хĕрарăма шăпа кÿрентернĕ те, иртĕхтернĕ те. Юрăç ача чухнех çухату тутине ас тивсе курнă, элек йывăррăн пусса тăнине те чăтма тивнĕ унăн. Юрăç юратнă, ăна хăйне те савнă. Пĕр çын кăна мар, пинĕ-пинĕпе, миллионĕ-миллионĕпе.

Хырăмлăх тата вун ик пумăклă пыршă язвипе аптракансене тухтăр çырса панă эмелсĕр пуçне халăх медицини те пулăшма пултарать. Çав тери лайăх рецептсем пур.

Сĕнтĕрвăрри районĕнче Тăван çĕр-шывăн Аслă вăрçин 835 ветеранĕ пурăнать, вăл шутра инвалидсемпе вăрçа хутшăннисем - 39 çын. Халăха социаллă пулăшу паракан центр ĕçченĕсем Çĕнтерÿ кунĕ умĕн вĕсене çулсеренех киле пырса саламлаççĕ.

Пĕр-пĕрне саламланă май ырлăх-сывлăх, телей, юрату сунасси йăлана кĕрсе кайрĕ ĕнтĕ. Чылай чухне сăвва пăхмасăр вĕреннĕ пекех шăранаççĕ çак сăмахсем. Анчах кунсăр пуçне нумайăшĕ, пирĕнтен кашниех хăçан та пулин каланах çакна, хушса хурать: “Вăрçă кăна ан пултăр санăн пурнăçунта...”

Ватă çын çемье ăшшине упрама та пулăшать. Ахальтен мар "ватти çук та латти çук", "ватă çын - тăватă çын" тенĕ ĕлĕкех.

Пурнăç çулĕпе тивĕçлĕн утакан çынсемпе паллаштарас килет манăн. Шупашкар районĕнчи Çĕньял тăрăхĕнчи 90 çултан иртнĕ ватăсем пирки каласа кăтартас килет.