Шкул тата спорт тумĕсем пулмалла

4 Сен, 2018

Калăр-ха, ачана шкула ятарлă формăсăр çÿренĕшĕн явап тыттарма юрать-и? Вĕренекен пĕлÿ çуртне формăсăр килчĕ тĕк ăна урока кĕртеççĕ-и?

Вера МАРКОВА, Красноармейски районĕ.

Вулакан ыйтăвне «Гарант» компани эксперчĕ Светлана ДАНИЛОВА хуравлать:

— Вĕрентÿ саккунĕпе килĕшÿллĕн кашни шкул хăйĕн йышăнăвĕпе вĕренекенсене суйласа илнĕ тумпа çÿретме пултарать. Унăн тĕсĕ, ĕлки, эмблеми мĕнле пулмаллине шкул документĕнче палăртаççĕ. Шкул уставĕпе килĕшÿллĕн вĕренекенсен пĕлÿ çуртне — шкул, физкультура урокне вара спорт тумĕпе килмелле. Енчен те ача шкула тĕрлĕ сăлтава пула /тум вараланнă е ăна вăрланă, пушарта çуннă/ шкул формисĕр килсен те явап тыттармалла мар. Енчен те вĕренекенĕн унашкал тум пачах çук пулсан та /куншăн вăл мар, ашшĕ-амăшĕ айăплă, çавăнпа ачана ятламалла мар/, явап тыттармалла мар. Пĕлÿ çуртне формăсăр килнĕ ачана шкула кĕртмесĕр тăма та юрамасть. Çакна вăл ятарласа çапла тунă, пĕлсе тăрсах шкул уставне пăснă пулсан та асăрхаттарнипех çырлахмалла.

Комментировать

CAPTCHA на основе изображений
Введите символы, которые показаны на картинке.