Архив - Апр 2016

Аш валли кросс е бройлер чăх чĕпписене ÿстерсен аван. Мĕншĕн тесен хăвăрт ÿт хушаççĕ тата вĕсем хушшинче вилнĕ тĕслĕх сахал. Пĕр талăкри бройлер хакĕ кросран чылай йÿнĕрех. Унăн йывăрăшĕ - 40 грамран сахал мар. 56-мĕш кун тĕлне вăл 1500-1600 грама çитет, 80-мĕш куна виçи 3 килограмран та иртме пултарать. Аш валли бройлера 80 кунран ытла çитĕнтерме сĕнмеççĕ, мĕншĕн тесен çак вăхăт тĕлне майĕпен ÿсме тытăнать, ÿт япăх хушать. Капла ăна апатласа ытларах тăкакланма тивет.

1986 çулхи ака уйăхĕн 26-мĕшĕ. Чернобыль, Припять хулисем, Украина, пĕтĕм Совет çĕршывĕ тарăн ыйхăпа çывăрнă. Çак шăплăха çур çĕр иртсе 1 сехет те 23 минутра хăрушă икĕ взрыв татнă. Чернобыльти атом электростанцийĕн тăваттăмĕш блокĕ сывлăша сирпĕннĕ.

Пĕтĕм Раççейри ял хуçалăх çыравне хатĕрленнĕ май 2015 çулхи утă уйăхĕн 1-мĕшĕнчен пуçласа паянхи кунчченех сăн ÿкерме юратакансен «Манăн Раççей» конкурс иртет. Çак вăхăт тĕлне çĕршывăн тĕрлĕ кĕтесĕнчен 2 пин ытла сăнÿкерчĕк çитнĕ. Вĕсенче ял хуçалăхĕнчи ĕç-хĕле, ял илемлĕхне, хăйнеевĕрлĕхне, хастар çыннисене сăнланă.

Шкула офицерсем килсен...

Çĕнтерÿçе –телефон

Эп лартнă çуртсен чÿречисенчен те хĕвел кĕрĕ-ха

Ашшĕ-амăшĕн шанчăкĕ

Эпир туслă, мал ĕмĕтлĕ, хастар та маттур

Шкул пики

«Тенкри хĕçĕн» хăвачĕ

Вĕсем те хăй вăхăтĕнче çурăм хыçне сумка çакса шкула васканă. Учителĕн ăса вĕрентсе каланă сăмахне тимлесех итленĕ. Тĕрлĕ ăмăртăва пĕтĕм чун хавалĕпе хутшăннă, пушă вăхăтра алăран кĕнеке яман. Кашниех Тăван çĕршыва юрăхлă çын пулас ĕмĕтпе пурăннă.

Иртнĕ çул "Тантăш" хаçатпа Шупашкарти Н.В.Никольский ячĕллĕ професси колледжĕ /унччен вăл "Шупашкарти механикăпа технологи техникумĕ" ятлăччĕ/ «Рабочи профессийĕ ялан хисепре!» конкурс ирттернĕччĕ. Кăçал Ĕç çыннин çулталăкĕ. Ăна халаллăпăр та ĕнтĕ паянхи конкурса.

Вăрман çине хĕвел анать. Хутса янă кăмака пек çунать вăрман çийĕ, шартлатса кăвар сирпĕтессĕн туйăнать. Сарăлса, хĕрелсе пырать каçхи шуçăм. Унăн çути Кĕтне çине тăкăннă, çÿллĕ çыранри йăмрасене, анатри кĕпер çийне пĕветнĕ.

Çут çанталăка юратакан ача — ырă чунлă, унăн чĕринче чечексем ешереççĕ, кайăксем чĕвĕлтетеççĕ. Çиччĕмĕш класри Рома Алексеев пирки те çавнах каламалла. Тăван тавралăхăн кашни йывăç-курăкне ыталама хатĕр вăл, чĕрчунсем çине те ăшă куçпа пăхать. Хăй лартнă йывăçсене вара ачашласах ÿстерет.

Ишек шкулĕнче 4-мĕш класра вĕренекен ачасем тахçанах хăйсемпе паллаштарасшăнччĕ. Вăхăт тупса çаврăнса çитрĕмĕр Чăваш тĕнчишĕн хавхаллă тăрăха. Калаçăва пуçлама Лилия Геннадьевна класс ертÿçине ыйтрăмăр. Малтан ăна сăмах.

Трактор тăвакансен культура керменĕнче «Шкул пики — 2016» республика конкурсĕ иртрĕ. Малтан хула шайĕнче çеç йĕркеленĕскер кăçал пуçласа çак шайра пулчĕ.