«Сам себе режиссер» кăларăм ертÿçине ăçта курма май пулать тетĕр-и? Атăл леш енче — «Буревестник» кану базинче. Ĕнер «Çамрăксен хули» форум старт илнĕ. Паллă телеертÿçĕ унта эксперт пулĕ. Çамрăксемпе Раççейри Общество палатин членĕ Артем Метелев, «Пĕрремĕш канал» журналисчĕ» Максим Шарафутдинов та курнăçĕç.
Чăваш наци радиовне кунсерен итлекенсем асăрхарĕç пуль: юлашки вăхăтра «Ирхи кăмăл» кăларăмра Мария Самделовăн сасси янăрамасть. Владислав Московцевăн республика çыннисене ирсерен пĕчченех вăратма тивет. Пăшăрханса ÿкрĕр-и? Лăплантарма васкам: Маша кĕçех эфира тухĕ, хальлĕхе вăл Китай çĕршывĕпе киленет.
ЧР Сывлăх сыхлав министерстви ялсенче фельдшерпа акушер пункчĕсем тăвас ыйтăва тимлесех тăрать. Строительство ĕçĕсене вăхăтра тата пахалăхлă пурнăçласси уйрăмах пĕлтерĕшлĕ.
Халĕ республикăра 20 ФАП тума пуçланă. Икĕ обьект – Куславкка салинчи тата Патăрьел районĕнчи Çĕнĕ Ахпÿртри – Республика кунĕнче хута каймалла.
Ку шкул халăх ташшин «Калинка» ансамблĕпе те паллă. Ертÿçи Ирина Петрова çак ĕçре 23 çул тăрăшать. Темиçе пултарулăх ушкăнĕ те вĕрентсе кăларнă вăл. Ачасем «Калинкăна» 1-мĕш класранпах çÿреççĕ, район, хула, республика, Раççей, тĕнче шайĕнчи конкурссене те хутшăнаççĕ. «Кăçал çаксем витĕр йăлтах тухрăмăр. Çĕнтерме тĕллев лартрăмăр та пурнăçларăмăр вара», — пĕлтерчĕ Ирина Васильевна.
Çапкаланчăк йытăсем йышланни çинчен хаçатра çыркаланă-ха, анчах Куславккара ку ыйту çав таранчченех çивĕччи пирки шухăшлама та пултарайман. Хулари Çĕнтерĕве 30 çул урамĕпе (тĕп урам шутланать вăл) пынă чухнех темиçе йытă куç тĕлне пулчĕ.
Чăваш наци çи-пуçĕ, капăрчăкĕ, тĕрри-эрешĕ çав тери нумай вăрттăнлăх упрать. Ĕмĕртен ĕмĕре, йăхран йăха куçакан çав асамлăх мĕнешкел пуянлăх пулнине, тĕрĕссипе, паян эпир ăнкарса та çитерейместпĕр. Çав вăхăтрах наци тумĕн кашни япалипех пĕр-пĕр çын ăраскалĕ, аса илĕвĕ çыхăннă.
Суя тавар кăларакансене уголовлă майпа явап тыттарасшăн Суя апат-çимĕç туса кăларакансемпе Роспотребнадзор тинех татăклăн кĕрешме тĕллев тытнă. Фальсификат тавар кăларакансене ведомство уголовлă майпа явап тыттармашкăн саккун проектне хатĕрленĕ.
Çăва тухрăмăр. Шкул ачисен чи вăрăм каникул пуçланчĕ. Шкул ÿсĕмне çитмен ачасем те ку вăхăтра аслăрах тусĕсене кура килте е аслашшĕ- асламăшĕ, кукашшĕ-кукамăшĕ патĕнче канасшăн. Çавна май садиксем те çулла çурма пушă. Юсав ĕçĕсем ирттерме шăпах меллĕ кун пек чухне. Юсав тени вара юлашки вăхăтра шкул-садик ертÿлĕхĕпе ĕçченĕсене кăна мар, ашшĕ-амăшне те пырса тивет.
СУРСКИЙ РУБЕЖСКИЙ
Чăвашла верси
Русская версия
