Архив - 7 Мар, 2018 - Хресчен сасси

7 Мар, 2018

Çутă кÿлĕ

Хамăр тăрăхри кÿлĕ пирки вулакансене те çырса пĕлтерес терĕм. Вăл калăпăшĕпе пысăках мар пулсан та /6 га/ Чăваш Енре чи тарăнни /14,2 м/ шутланать. Ял çамрăкĕсем виçсе пăхнă тăрăх, унта 18 м ытла тарăнăш вырăнсем те пур. Ăна çын алтса пĕвелемен, вăл хăй тĕллĕн пулнă. Кÿлле ниçтан та шыв юхса пымасть. Тĕпĕнчен çăл куçсем тапса тăнипе типмест. Çавăн пиркиех шывĕ тăрă та сивĕ.
Маларах кÿлĕ пулăпа пуянччĕ. Халĕ уланкă ĕрченĕ пирки вĕсен йышĕ чакрĕ. Пĕр вунă çул каялла 12-13 кг таякан карпсем те тытатчĕç унта.

7 Мар, 2018

Аэровокзал çĕнелĕ

Шупашкарта аэровокзал тĕпрен çĕнелсе улшăнмалла. Унăн проектне Чăваш Республикин Хула строительствипе общество инфратытăмĕн аталанăвĕн канашне тăратнă.

Юсаса çĕнетнĕ хыççăн усă куракан лаптăк пысăкланмалла, 1400 тăваткал метр пулмалла. Икĕ хутлă çуртра пассажирсене регистрацилемелли, багаж йышăнмалли, памалли, таможня пункчĕсем, канмалли-кĕтмелли зал тата ытти те пулмалла. Çĕнелнĕ аэровокзал ĕç-хĕл енчен кăна мар, унăн сăн-сăпачĕ те палăрмаллах улшăнмалла, лайăхланмалла.