Архив - 2013 - Тантăш

декабрь 26th

26 Дек, 2013

Тасату хăватне çĕклессишĕн кĕрешесчĕ!

Нумаях пулмасть И.Н. Ульянов ячĕллĕ Чăваш патшалăх университечĕн чăваш филологийĕпе культура уйрăмĕн-че Николай Ишентейĕн «Тасату сасси» кĕнекин хаклавĕ (презентаци) иртрĕ.

26 Дек, 2013

Паянхи вăхăтра программист кирлех

Пуласлăх пирки ачаранах шухăшламалла. Муркаш районĕнчи Юнкă шкулĕн саккăрмĕш класĕнче вĕренекен Андрей Краснов шкул хыççăн ăçта каймаллине палăртса хунă та ĕнтĕ. Урокра «4» тата «5» паллăсем çеç илекенскер аслă юлташĕнчен тĕслĕх илсе программист пулма ĕмĕтленет.

26 Дек, 2013

Çĕнĕ çул çинчен

Кашни çĕр-шыв Çĕнĕ çула тĕрлĕрен хатĕрленет, кĕтсе илет, уявлать. Тĕслĕхрен, Авалхи Вавилонта Çĕнĕ çула çуркунне уявланă. Тăван халăхĕ ирĕккĕн те уçăмлăн савăнса-култăр тесе Вавилон патши çумĕсемпе пĕрле вăхăтлăха хуларан тухса кайнă.

Микронези утравĕсенчен пĕринче пурăнакансем кăрлачăн 1-мĕшĕнче харпăр хăй валли çĕнĕ ят суйласа илме пултараççĕ. Ăна вĕсем усал-тĕсел илтесрен, çывăх çыннисене çеç пăшăлтатса пĕлтереççĕ.

декабрь 19th

19 Дек, 2013

«Кашни саманта сăнласчĕ...»

Шăмăршă районĕнче çуралса ÿснĕ Валентина Михайловна Табакова мĕн ачаранах фото ĕçĕпе «чирленĕ». Алла пĕрремĕш хут илнĕ «Зенит» фотоаппарат уншăн темрен те хаклă шутланнă. Çакна вăл паян та хăпартланса аса илет.

19 Дек, 2013

Çĕнтерÿçĕсемпе мухтанатпăр!

Раштавăн 9-мĕшĕнче Ача-пăча пултарулăхĕн çуртĕнче çиччĕмĕш хут «Кадетсен Георгий балĕ» иртрĕ. Ăна Раççей Федерацийĕн Çар мухтавĕн кунне, Раççей историйĕн çулталăкне тата Романов император çурчĕ тăват çĕр çул тултарнине халалланă. Бал икĕ пайран тăрать: презентаци тата ĕçе пурнăçласси.

19 Дек, 2013

Унăн çитĕнĕвĕпе хăпартланатăп

Шашка-шахмат вăййипе мĕн пĕчĕкрен кăсăкланнă Арина Лукинаран паян ку енĕпе районта никам та иртеймест. Кашни ăмăртуранах çĕнтерÿпе таврăнать вăл килне. Иртнĕ вĕренÿ çулĕнче республикăра та хăйĕн пултарулăхĕпе пурне те тĕлĕнтерчĕ. Ытти район ачисене парăнтарса пĕрремĕш вырăна тухрĕ.

19 Дек, 2013

ТĔС КĂМĂЛА ПАЛĂРТАТЬ

Америка психологĕсем Д. Глайв тата Э. Клери пилĕк çул тĕпчевсем ирттернĕ, 10 пин çын характерне тĕрĕсленĕ. Вĕсем палăртнă тăрăх - тĕксĕм кăвак куçлă ачасем çутă кăвак куçлисемпе танлаштарсан вăр-вартарах, çивĕчрех, пуçаруллăрах.

Тĕпчевçĕсем çитĕннисен кăмăлне, хăнăхăвĕсене анлăрах пăхса тухнă. Çапах та Д. Глайвпа Э. Клери хăйсен классификацийĕ пур çыншăн та тĕп-тĕрĕс тесе çирĕплетме çук тесе шухăшлаççĕ.

Вĕсен хăш-пĕр пĕтĕмлетĕвĕпе паллаштарар-ха.

Страницы