2015 çултан пуçласа ял çĕрĕнчи халăх пурăнакан вырăнсенче хытă сийлĕ автомобиль çулĕсем тума пуçлаççĕ. Ку ĕçе урăх кая хăварма юрамасть. Ял халăхĕ лайăх пурăнма тивĕçлĕ тата вăл ку правăна ĕçлесе илнĕ. Пирĕн çав майсене туса памалла.
ЧР Пуçлăхĕ Михаил Игнатьев Патшалăх Канашне янă Çыруран.
Федерацирен - çул валли
ЧР Министрсен Кабинечĕн Председателĕ Иван Моторин майăн 12-мĕшĕнче "Содружество" АУО генеральнăй директорĕпе Иван Беловпа тĕл пулнă. Хуласен çумĕнчи пассажирсене илсе çÿрекен чукун çул транспорчĕн çыхăнăвне йĕркелессипе çыхăннă ыйтусене сÿтсе явнă. Тĕлпулура ЧР транспорт тата çул-йĕр хуçалăхĕн министрĕ Владимир Филиппов пассажирсене илсе çÿренĕшĕн республикăн общество умĕнчи иртнĕ çулсенчи парăмне пĕтерес тĕлĕшпе пурнăçланă ĕçпе паллаштарнă. Икĕ енлĕ хутшăнăва çирĕплетме чăрмантаракан йывăрлăха пĕтĕмпех пĕтернĕ.
Апрелĕн 15-мĕшĕнчен пуçласа июнĕн 15-мĕшĕччен республикăра «Экологи-Хăрушсăрлăх-Пурнăç» лозунг витĕмĕпе Экологи хăрушсăрлăхĕн кунĕсем иртеççĕ.
Ĕнер ЧР аграрийĕсен элчисем Чăваш патшалăх оперăпа балет театрĕнче Ял хуçалăх тата тирпейлекен промышленноç ĕçченĕн кунне паллă турĕç. Министрсен Кабинечĕн Председателĕн çумĕ - ял хуçалăх министрĕ Сергей Павлов агропромышленноç комплексĕн ĕç-хĕлне пĕтĕмлетрĕ.
Чăвашла верси
Русская версия
