Потребителе

28 Çĕртме, 2021

Шалу вăхăтра илеймеççĕ

Паян ЧР Пуçлăхĕ Олег Николаев Правительство çуртĕнче шалу парăмне тата коллективсен администрацийĕсемпе килĕшӳ çирĕплетмесĕр ĕçлекен çынсен шутне пĕчĕклетес ыйтупа канашлу ирттерчĕ.

Патшалăхăн тивĕçлĕ органĕсене парăма тĕрĕслесе тăма тата унпа татăлас ыйтăва татса пама чĕнсе каларĕ. Вăл мĕн чухлĕ пухăнса кайни, унпа татăлассишĕн пурнăçлакан ĕçсем çинчен республикăн патшалăх ĕç инспекцийĕн ертӳçи Алексей Метелкин пĕлтерчĕ.

24 Çĕртме, 2021

Шанчăклă ĕçтешлĕх экономикăна та вăй парать

Энергетиксем чи лайăх потребительсене чысласа тав турĕç

Чăваш Республикин Правительство çуртĕнче федераци шайĕнчи «Шанчăклă ĕçтеш» конкурсăн регионти тапхăрĕн çĕнтерӳçисене савăнăçлă лару-тăрура чысларĕç. Электричество энергийĕн чи лайăх потребителĕсене 2020 çулхи ĕç кăтартăвĕсене тишкерсе палăртнă.

12 Нарăс, 2021

Пуш уйăхĕнче хваттерлĕ пулĕç-ши?

Шупашкарти Энергетиксен урамĕнчи 6-мĕш çурта 2018 çултах хута ямалла пулнă. «Грандстрой» застройщик тума пуçланă объекта пайçăсем укçа хывнă. Предприяти ертÿçи пĕлтĕрхи раштав уйăхĕнче çуртри ĕçсене вĕçлеме шантарнă, анчах лав вырăнтан тапранман.

14 Раштав, 2020

Вăхăтра туса пĕтермен хваттерсене графикпа килĕшÿллĕн хута ямалла

Паян ЧР Пуçлăхĕ Олег Николаев граждансен — пая кĕрсе нумай хваттерлĕ çурт тутаракансен правине хÿтĕлессине тухăçлă йĕркелеме туса хунă ĕç ушкăнĕн ларăвне ирттерчĕ.

Ăна уçса каланă сăмахĕнче пайçăсене хваттер илме пулăшассишĕн республикăн ĕç тăвакан органĕсен пĕтĕмпех тумаллине аса илтерчĕ, тĕрлĕ сăлтава пула чарăнса тăнă строительствăна малалла тăснине çирĕп тĕрĕслесе тăма, вăхăтра туса пĕтермен хваттерсене графикпа килĕшÿллĕн хута яма ыйтрĕ.

1 Юпа, 2020

Ветерансем таксипе çÿрĕç

Шупашкарта тата Çĕнĕ Шупашкарта пурăнакан ветерансем таксипе тÿлевсĕр усă курайĕç.

Кăçалхи утă уйăхĕн 14-мĕшĕнче Чăваш Ен Пуçлăхĕ Олег Николаев тата Раççейри Яндекс тĕп директорĕ Елена Бунина килĕштерсе ĕçлесси çинчен алă пуснă май «Яндекс. Ветерансем валли» социаллă проект пуçарнă. Хальлĕхе вăл Шупашкарта тата Çĕнĕ Шупашкарта пурнăçланать. Асăннă хуласенче пурăнакан ветерансем таксие уйăхне тăватă хутчен тÿлевсĕр тытма пултараççĕ.

Pages