Хула

29 Раштав, 2020

Уявра та тĕрĕслĕç

Çĕнĕ çул каçхине Шупашкар хулинче общество транспорчĕ ытти çулти евĕр çурçĕр иртиччен çÿремĕ.

Коронавируса пула ял-хулара массăллă мероприятисем ирттерме юрамасть. Çавна май раштав уйăхĕн 31-мĕшĕнче республикăн тĕп хулинче троллейбуссемпе автобуссем ĕç кунĕсенчи евĕр ĕçлĕç, вĕсем 23 сехетчен çеç çÿрĕç.

6 Чÿк, 2020

Çĕмĕрле тăрăхĕн аталану малашлăхне сÿтсе яврĕç

Паян Экономикăн Аслă канашĕн черетлĕ ларăвĕ иртрĕ. Ăна канаш председателĕ Анатолий Аксаков ертсе пычĕ. Унта Çĕмĕрле районĕпе хулин аталану малашлăхне сӳтсе яврĕç.

2 Чÿк, 2020

Сĕнтĕрвăрри хулине хăтлăлатасшăн

Сĕнтĕрвăрри хули туристсене илĕртекен вырăн пулса тăмалла. Çавна май ăна мĕнле хăтлăлатасси пирки калаçу иртмелле.

Хула пуласлăхĕ тата унăн историлле пайĕ пирки шухăшлакансене чӳк уйăхĕн 4-мĕшĕнче 12 сехет тĕлне «Мариинский» физкультурăпа спорт комплексне (Сĕнтĕрвăрри хули, Николаев урамĕ, 91В çурт) чĕнеççĕ.

3 Авăн, 2020

Шупашкарта икĕ объект хута кайрĕ

Авăн уйăхĕн 3-мĕшĕ республикăн тĕп хулишĕн пысăк пĕлтерĕшлĕ икĕ объекта — И.Яковлев тата Тăххăрмĕш пилĕкçуллăх проспекчĕсене çыхăнтаракан ункăран пуçласа Канаш шоссине çитиччен тăсăлакан автоçула реконструкцилесе тата Сăкăт кĕперĕн иккĕмĕш çуррине юсаса пĕтернĕ хыççăн хута янипе палăрса юлчĕ.

Pages