Хула

5 Утă, 2023

Шупашкарти Граждан урамĕнчи юсав юпа уйӑхĕн 1-мĕшĕччен тăсӑлӗ

«Дорисс» подряд организацийĕ хальлĕхе ĕçсен 93% пурнăçланă. Çурла уйăхĕччен çул хĕррипе карта тытса тухĕç. Унтан ҫул çумӗнчи тăпрана якатса курăк акма тытăнĕç.

11 Çурла, 2022

Ҫӗнӗ хваттерпе тивӗҫтерчӗҫ

Паян Ҫӗмӗрле хулинче пурӑнакансемшӗн чӑн-чӑн уяв пулчӗ! Авариллӗ ҫуртра пурӑннӑ ҫемьесене ҫӗнӗ хваттер уҫҫине пачӗҫ. Ҫак ятпа вӗсене ЧР строительство министрӗ Павел Данилов, ҫавӑн пекех хула пуҫлӑхӗ Сергей Яргунин, хула администрацийӗн пуҫлӑхӗ Валерий Шигашев тата «Строительный трест 3» компанин генеральнӑй директорӗ Валерий Семенов та саламларӗҫ.

Ҫак куна чӑтӑмсӑррӑн кӗтнине ҫӗнӗ хваттер хуҫисем те пытармарӗҫ.

4 Çурла, 2022

Шупашкар хула кунне ирттерме хатĕрленет

Тĕрĕссипе, мероприятисен тапхăрĕ утă уйăхĕнчех пуçланнă. Кашни шăматкунпа вырсарникун Хĕрлĕ тӳремре «Ташлакан хула» проект пурнăçланать. Иртнĕ канмалли кунсенче, сăмахран, вырăнта ларма юратманнисем бачата ташлама вĕренчĕç. Ку тӳлевсĕр пулнине те палăртмалла. Анчах çакă — анлă программăн пĕчĕк пайĕ çеç. Хула кунне мĕнле ирттересси пирки ĕнер Шупашкар администрацийĕнче канашлу иртрĕ. Тĕп мероприятисемпе администрацин культурăпа туризм аталанăвĕн управленийĕн ертӳçи Людмила Маркова паллаштарчĕ.

28 Утă, 2022

Шупашкарти çулсем çине лазер хатĕрĕллĕ куçса çӳрекен лаборатори тухать

Вăл тин çеç сарнă асфальта та, кивелсе пăсăлнине те тĕрĕслĕ.

Ку лаборатори чи пĕчĕк кăлтăксене те асăрхамасăр хăвармĕ. Машинăн урапи хыçĕнче вырнаçнă ятарлă датчиксем компьютер çине сигнал ярса тăрĕç. Çапла майпа кашни обьектăн характеристикине хатĕрлеме пулĕ. Палăртмалла: куçса çӳрекен лаборатори Шупашкарти 170 çул обьектне тĕрĕслĕ. Ку юсав планне кĕртмелли магистральсене пĕлме пулăшĕ.

www.hypar.ru

11 Утă, 2022

«Тумхахлă» адрессем: Шăхасан — Калинино, Граждан урамĕ...

Ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлăва республика Пуçлăхĕ Олег Николаев хăй алă пуснă указ çинчен пĕлтернинчен пуçларĕ: «Атăл» çыхăну батальонĕн çар служащийĕсен çемйисене 200-шер пин тенкĕ тӳлеме йышăннă.

Pages