Публицист шухăшĕ

31 Пуш, 2021

Вырăнти çынсем суйласа илĕç

ЧР Пуçлăхĕ Олег Николаев пушăн 31-мĕшĕнче федерацин «Хăтлă хула хутлăхне йĕркелесси» проектне республикăра пурнăçлассипе ĕçлекен ведомствăсен хушшинчи комисси ларăвне ирттернĕ.

Унта пăхса тухнă ыйтусем республикăра пурăнакансен пысăк пайне тÿррĕн пырса тивеççĕ. Сăмах мĕн çинчен пырать-ха?

29 Пуш, 2021

Юхăннине инвестор çĕнетĕ

Чăваш Ен Пуçлăхĕ тунтикунсерен ирттерекен канашлура Шупашкар хулин ăшăпа тивĕçтерекен объекчĕсене «Т-Плюс» компание концессие парас ыйту тавра тĕплĕ калаçу пулчĕ. Ăшă сечĕсем, котельнăйсем кивелсе çитни паллă — вĕсен пысăк пайĕ 25 çултан та аслăрах. Çавна май ăшăпа тивĕçтерессин шанчăклăхĕ уксахлать, энерги çухатăвĕсем пысăк, аварисем час-часах пулаççĕ – вĕсен шучĕ ӳссе пырать.

29 Пуш, 2021

Кино та пулĕ, палăк та

Культура министрĕ Светлана Каликова Чăваш Ен Пуçлăхĕ Олег Николаев тунтикунсерен ирттерекен канашлура хăй ертсе пыракан отрасль хыпарĕсемпе паллаштарчĕ. Вĕсен шутĕнче — Сăр тата Хусан оборона чиккисен строителĕсене халалласа спектакль хатĕрлени.

Фильм та пулĕ — нумаях пулмасть унăн массăллă сценисене ӳкернĕ. Лентăна кĕркунне тĕлне хатĕрлесе çитермелле, уйрăм сыпăкĕсене вара Шупашкарти кинофестивальте кăтартасшăн.

29 Пуш, 2021

Çухату тÿсмелле мар

Тĕп банк «Мегаполис» банкăн лицензине туртса илме йышăнни пуриншĕн те кĕтменлĕх пулчĕ-тĕр. Çав шутра — республика ертӳлĕхĕшĕн те. Чăвашкредитпромбанк панкрутлăхĕн процедури те вĕçленменнине кура — пушшех. Анчах кăмăлсăр лару-тăру пулин те ку регион влаçĕсем çухалса кайнине пĕлтермест.

«Хамăр енчен ĕç-пуçа çирĕп тĕрĕслесе тăрăпăр», — терĕ ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура.

Pages