Хресчен сасси

Музейри пек
19 Jul, 2017 | Хресчен сасси | Культура | Хыпар-хăнар

Патăрьел районĕнчи Турханта кăçалхипе вун пĕрмĕш хут Кокель пленэрĕ иртет. Унта çĕршывăн тĕрлĕ кĕтесĕнчен килнĕ ÿнерçĕсем хутшăнаççĕ.

Хальхинче вĕсем Аслă Чементе пурăнакан Нина Михайловна Мулгачева хуçалăхĕнче пулса курнă. Кинемей тĕрленине, кăмакара çăкăр пĕçернĕ саманта ÿкернĕ. Сăрă ăстисем çуртпа паллашнă май 92 çулти ватă авалхи япаласене таса та типтерлĕ упранинчен тĕлĕннĕ.

Пулă тытнă, шÿрпе пĕçернĕ
19 Jul, 2017 | Хресчен сасси | Кун хыççăн кун | фестивальсем

Иртнĕ шăматкун сусăрсем Атăл хĕррине пулă тытма пуçтарăннă. Çакнашкал фестивале Чăваш Енре маларах та йĕркеленĕ. Кăçал вара унта Мари Эл пулăçисем те килсе çитнĕ.

Пулă тытассипе арçынсем çеç мар, хĕрарăмсем те кăсăкланни палăрать. Çак ĕç вĕсемшĕн те чун киленĕç пулнине каланă вĕсем. Фестиваль вăхăтĕнче тĕрлĕ конкурс ирттернĕ, концерт йĕркеленĕ, шÿрпе пĕçернĕ. Мероприяти пуриншĕн те хаваслă иртнĕ.

 

«Земство тухтăрĕ» — вăхăтлăх программа кăна...
19 Jul, 2017 | Хресчен сасси | Сывлăх | Халăх хаклавĕ

Пĕтĕм Раççейри «Раççейшĕн» халăх фрончĕ» общество юхăмĕн республикăри уйрăмĕн хастарĕсем регионти штабăн çумпредседателĕ Елена Доманова тата ОНФн ĕç тăвакан комитечĕн пуçлăхĕ Николай Косыев ертсе пынипе утă уйăхĕн 18-мĕшĕнче Етĕрне район больници пациентсене сĕнекен медицина пулăшăвĕн пахалăхне хакларĕç. Чи малтанах вĕсем поликлиникăри регистраци ĕçĕ-хĕлĕпе, информаци ма-териалĕсемпе паллашрĕç, пĕтĕмĕшле практика врачĕн йышăнăвĕнче пулчĕç, стационара çитсе курчĕç, чирлисен хушшинче ыйтăм йĕркелерĕç.

Валентина СМИРНОВА.

Pages

Subscribe to Хресчен сасси