Нарăс уйăхĕн 1-мĕшĕнчен тытăнса пуш уйăхĕн 31-мĕшĕччен Раççей почти çĕршыври мĕнпур çыхăну уйрăмĕсенче 2016 çулăн II çурри валли хаçат-журнал çырăнса илмелли тапхăр пуçланни çинчен пĕлтерчĕ.
Паян, нарăс уйăхĕн 5-мĕшĕнче, Мускав хулинче Пĕтĕм Раççейри "Единая Россия" политика партийĕн XV съезчĕн пĕрремĕш тапхăрĕ ĕçлеме пуçланă.
Нарăсăн 7-мĕшĕнче 2014 çулта Сочире иртнĕ хĕллехи Олимп вăййисене халалласа пирĕн çĕршывра Спортăн хĕллехи тĕсĕсен кунне уявлаççĕ. Кăçалхипе иккĕмĕш хут иртекен спорт праçникне Чăваш Енре те анлăн паллă тăвĕç.
Нарăсăн 4-мĕшĕ - Пĕтĕм тĕнчери усал шыçă чирĕсемпе кĕрешмелли кун. Ăна халалласа нарăсăн 4-27-мĕшĕсенче Шупашкар хулинче уйăхлăх ирттереççĕ: Республикăри онкологин клиника диспансерĕ амака маларах тупса палăртас, ку енĕпе çынсен теветкеллĕхне ÿстерес тĕллевпе профилактика акцийĕсем йĕркелет.
РФ Президенчĕ çумĕнчи «Раççей халăх хуçалăхĕн тата патшалăх службин академийĕн» Шупашкарти филиалĕ влаçăн республика тата муниципалитет органĕсенче ĕçлемешкĕн патшалăх служащийĕсем хатĕрлекен аслă вĕренÿ учрежденийĕ шутланать. Кунта пĕлÿ илнисем тĕрлĕ отрасльте вăй хураççĕ, ăста та пултаруллă специалистсем пулнипе палăрса тăраççĕ. Лайăххин чикки çук паллах.
Иртнĕ уйăх вĕçĕнче облаçри Чăваш наци культура автономийĕн отчетпа суйлав конференцийĕ иртнĕ. Унăн ĕçне Чăваш Енрен ЧР культура, национальноçсен ĕçĕсен тата архив ĕçĕн министерствин пай пуçлăхĕ Сергей Казаков тата Чăваш наци конгресĕн президенчĕн пĕрремĕш заместителĕ Валерий Клементьев хутшăннă.
Федерацин налук службин республикăри управленийĕнчен пĕлтернĕ тăрăх - нарăсăн 1-мĕшĕнчен Чăваш Енре Юридици тытăмĕсене тата уйрăм предпринимательсене регистрацилекен пĕрлехи центр ĕçлеме пуçларĕ. Вăл Шупашкар хулин налук инспекцийĕнче, Патрис Лумумба урамĕнчи 8-мĕш çуртăн 4-мĕш хутĕнче, вырнаçнă.
Кăрлачăн 28-мĕшĕнче чăвашсен пĕрремĕш киноактриси, наци культурин паллă ĕçченĕ Татьяна Степанова Максимова-Кошкинская - Тани Юн çуралнăранпа 113 çул çитрĕ.
Ĕçтешĕмĕр, общество деятелĕ Геннадий Архипов пирĕнтен яланлăхах уйрăлса кайнăранпа çулталăк çитрĕ.
Канмалли кунсенче республикăра улшăнса тăракан пĕлĕтлĕ çанталăк пулать, юр е вăхăтран вăхăт йĕпе юр çăвать, вырăн-вырăнпа тăман вĕçтеркелет. Паян, нарăс уйăхĕн 5-мĕшĕнче, кăнтăрла 1 градус ăшă - 4 градус сивĕ, каçхине 1-5 градус сивĕ пулать. Ыран, нарăсăн 6-мĕшĕнче, кăнтăрла - 1-6, каçхине 3-8 градус сивĕ пулать. Нарăс уйăхĕн 7-мĕшĕнче - 5-8 градус сивĕ. Çил кăнтăр-хĕвеланăç енчен 5-13 метр хăвăртлăхпа вĕрет.
Чăвашла верси
Русская версия
