Новости по теме

Кăçал Раççейре - Кино çулталăкĕ. 2017 çул мĕнле ятпа иртессине те палăртнă. РФ Президенчĕ Владимир Путин кăçалхи кăрлач уйăхĕн 5-мĕшĕнче алă пуснă Указпа килĕшÿллĕн, 2017 çул Экологи çулталăкĕ пулĕ.

Экологи çулталăкне ирттерес енĕпе ĕçлекен йĕркелÿ комитечĕн председателĕн тивĕçĕсене РФ Президенчĕн Администрацийĕн ертÿçи Сергей Иванов пурнăçлать. Вăлах йĕркелÿ комитетне çирĕплетет. РФ Правительстви Экологи çулталăкĕн тĕп планне хатĕрлет.

Улатăрти 3-мĕш шкулта математикăпа информатика предмечĕсене вĕрентекен Татьяна Гурина Чăваш Ен чысне Раççей шайĕнчи конкурсра хÿтĕлĕ. Вăл Мускавра нарăс уйăхĕн 22-27-мĕшĕсенче иртĕ.

Татьяна Гурина Пĕтĕм Раççейри «Манăн чи лайăх урок» конкурса хутшăнма тивĕç пулнă. Ăста педагог регион шайĕнче иртнĕ конкурсра мала тухнă. Вăл икĕ тапхăрпа иртнĕ. Пĕрремĕшĕнче вĕрентекенсем урокра усă курмалли меслечĕсене кăтартнă, иккĕмĕшĕнче вĕсене хÿтĕленĕ.

Раççейре грипп эпидемийĕ нарăс уйăхĕнче пуласса тухтăрсем малтанах систернĕччĕ. Сысна грипĕ çĕршыври темиçе регионта анлă сарăлнă.

Чир Чăваш Ене те çитнĕ. Кăрлачăн 26-мĕшĕ тĕлне республикăра сысна грипĕпе 17 çын аптăранине палăртнă. Вĕсен сывлăхĕ хăрушлăхра мар, çапах тухтăрсем пурне те асăрхануллă пулма, иммунитета çирĕплетме сĕнеççĕ. Пĕтĕмĕшле илсен, кăрлач уйăхĕн 15-21-мĕшĕсенче Чăваш Енре гриппа тата ОРВИпе аптăракан 5,6 пин çынна палăртнă. Ытларах Шупашкарта, Çĕнĕ Шупашкарта, Улатăрта чирлеççĕ. Уйрăмах - ачасем. Хальлĕхе республикăра пĕр шкула та карантина хупман.

Граждан обществин аталанăвĕн фончĕ кĕпĕрнаттăрсен 2015 çулхи эффективлăхĕн рейтингне çирĕплетнĕ. Унăн кăтартăвĕсемпе сакăр субъект ертÿçин ĕç-хĕл тухăçлăхĕ ÿснĕ. 11 регион пуçлăхĕ хăйсене шанса панă регионсенче управлени ĕçне 2014 çулхинчен япăхрах туса пыни палăрнă.