Archive - 2017 - Хыпар

январь 17th

17 Кăрлач, 2017

Йĕлтĕрçе лайăх йĕлтĕр кирлĕ

Çапла калаççĕ профессионалсем йĕлтĕр спорчĕн пĕлтерĕшне палăртса. Канмалли кунсенче Шупашкарти спортăн хĕллехи тĕсĕсен центрĕнче йĕлтĕрçĕсен ăмăртăвĕ иртнĕ. Республикăри чи вăйлă спортсменсем Чăваш Ен чемпионĕн ятне тивĕçессишĕн тупăшнă.

17 Кăрлач, 2017

Интернет ура çине пуссан та пичет малаллах талпăнать

Этемлĕх яланах çĕннине шырать. Информацие çĕнĕлле сарасси пирки пуçватать. Кирек епле хаçата е журнала кун çути кăтартассишĕн те, вăл пĕчĕк тиражлă пулсан та, ăста специалистсен пысăк ушкăнĕ ĕçлет. Вĕсем — журналистсем, фотокорреспондентсем, дизайнерсем, корректорсем, редакторсем. Паллах, набор операторĕсем те, калăплавçăсем те вăй хураççĕ. Кăрлачăн 14-мĕшĕнче сăмахăн хăватлă вăйĕпе усă куракансем Чăваш патшалăх филармонийĕнче хăйсен уявне паллă турĕç.

январь 14th

14 Кăрлач, 2017

«Чăваш хĕрарăмĕ» 1/974/ №. 14.01.2017

14 Кăрлач, 2017

Мулкач шурă кĕрĕк тăхăнчĕ

Республикăри Хĕрарăмсен союзĕн ыркăмăллăх фончĕпе пуканеçĕсем асамлăх кĕтекен ачасене Çĕнĕ çул парнипе савăнтарчĕç. Тĕрлĕ конкурсра палăрнă, вĕренÿре ĕлкĕрсе пыракан, йышлă, сахал тупăшлă çемьесенчи хĕрачасемпе арçын ачасем валли уяв программи хатĕрленĕ вĕсем.

14 Кăрлач, 2017

Кăмăлăма ярам-и ирĕке?

Çĕнĕ çула ырă хыпартан пуçламашкăн мĕн тери лайăх! Ырă хыпарĕ вара санпа çыхăннă, хаклă вулаканăм. Чĕпсене кĕркунне шутлаççĕ теççĕ те, пирĕншĕн пĕтĕмлетӳ вăхăчĕ çулталăкра иккĕ те пулать — çурхи тата тата кĕрхи çырăнтару тапхăрĕ. Эпир сирĕнпе тăрăшса ĕçлени харама каймарĕ — тиража сыхласа хăвартăмăр. Çакă чи пахи. Апла пулсан, журналистсем ахальтен мар çĕрне-кунне пĕлмесĕр калемĕсене хăйранă, кану çинчен манса командировкăсене çӳренĕ, вулакан кăмăлне тупас тесе пĕр шӳтлĕ, пĕр критикăллă материал çырнă.

14 Кăрлач, 2017

Мĕн кĕтет 2017 çулта?

ВĔРЕНӲ. Социаллă стипендие патшалăх пулăшăвĕ тивĕçекен студентсем кăна илĕç. Крымри вĕренӳ учрежденисен лицензийĕсен вăхăтне тăсма палăртнă — 2018 çулхи авăн уйăхĕн 1-мĕшĕччен. Çавăн пекех Крым çамрăкĕсен аслă шкулсене вĕренме кĕрес тĕлĕшпе çăмăллăхсем пулĕç.

14 Кăрлач, 2017

Пултарулăх йăхран куçать

Сĕнтĕрвăрри районĕнчи Шуршăл ялĕнче пурăннă Алевтина Никитина сарлака та анлă çулпа утса тухрĕ, халăхра ырă ят хăварчĕ. Пултаруллă тăватă хĕрне кун çути парнелерĕ, мăнукĕсене те чăн-чăн чăваш ăс-хакăлне пиллерĕ.

14 Кăрлач, 2017

«Савăнма та сăлтав тупатăпах»

80 урлă каçнă тĕле илмелли темĕн чухлех пухăнать. «Шухăшăмпа ачалăха таврăнсан хурланатăп та, савăнма та сăлтав тупатăпах», — тет Мария Максимова.

Мария Васильевна 1935 çулхи кăрлач уйăхĕнче Сĕнтĕрвăрри районĕнчи Хуракасси ялĕнче çуралнă. Маруç 1,5 çулта чухне амăшĕ пурнăçран уйрăлса кайнă. Ашшĕ Василий Толстов, пĕчĕк ачапа тăрса юлнăскер, çак ялти хĕре Екатерина Михайловăна качча илет. Кăмăллă, сăпайлă хĕрарăм хĕрачана хăйĕн тăван ачи пек пăхса ÿстерет. Маруç амăшĕ вĕрентнине тĕпе хурса тирпейлĕ, ĕçчен çитĕнет.

14 Кăрлач, 2017

Йывăрлăхсенчен хăрамасăр

Ĕç çыннине хисеплесе «Ĕç çынни çулталăкне» ирттерчĕç. Паян, хуçалăхсем арканнă, рабочисен хисепĕ чакнă тапхăрта, пушшех те пĕлтерĕшлĕ çакă. Ялта та ытларах ватăсем тăрса юлтăмăр.

Фельдшерпа акушер пунктĕнче çынсен сывлăхне сыхлас тĕлĕшпе пĕр улшăнмасăр 34 çул тÿсĕмлĕн ĕçлекен Людмила Павлова çинчен каласа кăтартас килет. Ун умĕн 7 çамрăк специалист пĕрин хыççăн тепри улшăнчĕ. Хăшĕ-пĕри ялти çамрăксемпе çемьеллĕ те пулчĕ. Анчах ирĕкелле тухса кайса пĕтрĕç.

Pages