Юсав талăкĕпех пырать
Инкек куçа курăнса килмест теççĕ. Юпа уйăхĕн 17-мĕшĕнче те ăна никам та кĕтмен. Çав кун пирĕн республикăн çурçĕр районĕсене юрлă-йĕпе юрлă хутăшпа тата витĕр кастаракан сивĕ çилпе килсе самантрах çул-йĕре, йывăçсене, электролиние пăрлантарса лартрĕ. Йывăрăша чăтаймасăр йывăçсем хуçăла-хуçăла анчĕç, çутă юписем тÿнчĕç, пăралуксем татăлчĕç. Чылай районта çын пурнăçĕшĕн хăрушă авариллĕ лару-тăру пулса тăчĕ.