Комсомольски районĕн "Централизациленĕ клуб тытăмĕ" культура учрежденийĕнче кăрлач уйăхĕн 20-мĕшĕнче халăх самаях йышлăн пухăннă.
Çак кун района республикăри темиçе аслă шкул представителĕ килессе малтанах пĕлтернĕ май унта палăртнă вăхăт тĕлне аслă классенче вĕренекенсемпе ашшĕ-амăшĕ, шкул директорĕсемпе педагогсем килсе çитнĕ. Ăшă тĕлпулура кăçал вузсенче вĕренме илмелли йĕркесем тавра калаçнă.
Тăлăх тата ашшĕ-амăшĕн хÿтлĕхĕсĕр тăрса юлнă ачасене çемье ăшши питех те кирлине ăнланса Чăваш Енре тăтăшах тĕрлĕ пуçарусем пулаççĕ. Акă иртнĕ çулхи чÿк уйăхĕн 20-мĕшĕнчен тытăнса кăçалхи кăрлачăн 15-мĕшĕччен республикăра "Çĕнĕ çул - çĕнĕ çемьере" акци пычĕ. Çак тапхăрта ача çурчĕсемпе интернат шкулсенче воспитани илекен 22 ача çемьесенче хăналанчĕç.
2016 çулхи кăрлачăн 1-мĕшĕнчен çемьене тăлăх ачана йышăнакансене пĕр хутчен паракан пособи виçи ÿснĕ.
Республикăра ашшĕ-амăшĕн хÿтлĕхĕсĕр юлнă çул çитмен ачасене çемьене вырнаçтарас юхăм вăйлансах пырать. Тăлăхсене хăйсен çуначĕ айне илекен ют ашшĕ-амăшне уйăхсерен укçан хавхалантараççĕ, ачасене те пурăнмалăх, вĕсен ÿсĕмне тата хевтесĕрлĕхне кура, патшалăх хыснинчен кашни уйăхрах укçа куçать. Унсăр пуçне ют ачана хăйсен хÿтлĕхне илекен çемьене пĕр хутчен паракан пособипе хавхалантараççĕ. Унăн виçи пĕлтĕр 14497,80 тенкĕ пулнă, кăçал вара - 16266,53 тенкĕ.
Чăваш халăх художникĕн, ЧР Патшалăх премийĕн лауреачĕн Виктор Немцевăн алли витĕр тухнă ĕçе урăх никамăннипе те пăтраштараймăн. Унăн - вăл çеç пултаракан стиль, май, ăсталăх.
Кăрлач уйăхĕн 21-мĕшĕнче - "Хыпар" хаçат тухма пуçланăранпа 110 çул çитнĕ кун - "Хыпар" Издательство çуртĕнче "Единая Россия" партин Председателĕн Д.А.Медведевăн регионри общество йышăну пÿлĕмĕн ертÿçи, Чăваш Республикин пиллĕкмĕш суйлаври Патшалăх Канашĕн депутачĕ, федерацин травматологи, ортопеди тата эндопротезировани це
Михаил АРЛАНОВ:110 çул каялла, 1906 çулхи кăрлачăн 21-мĕшĕнче, чăваш тĕнчине тĕлĕнтерсе тĕрлĕ наци çынни пурăнакан Хусан хулинче "Хыпар" хаçатăн пĕрремĕш номерĕ кун çути курнă. Тин çеç çунă таса юр пек шурă хут çинче пичетленнĕ çĕнĕ номере хĕл варринче алла илсен унăн пĕрремĕш редакторĕн, Хусан университечĕн профессорĕн Николай Васильевич Никольскин чун-чĕринче мĕн тери савăк кăмăл-туйăм хуçаланнă-тăр. Чăвашлăхшăн чăннипех те пысăк, вышкайсăр курăмлă ĕç - сăваплă мисси пурнăçланă ун чухне чăвашран тухнă малтанхи профессор. Çирĕплетсе калама йывăр: шухăшлама пултарнă-ши вăл тапхăрта 28 çулти пĕрремĕш редактор хĕнпе тухнă "Хыпарăн" кун-çулĕ тертлĕ те мухтавлă, вăрăм ĕмĕрлĕ пуласса? Халĕ, Никольский "Хыпарĕ" 110 çул тултарнă кун, ĕнентерÿллĕн çапла калама юрать: Никольскипе пĕр шухăшлă çынсем кун çути панă "чун çимĕçĕ", унăн вăрлăхĕ чăнниех те тулли тĕшĕллĕ пулчĕ.
Чăваш халăхĕн пĕрремĕш хаçачĕн - "Хыпарăн" - кун-çулĕ çăмăл пулман. Пăлхавăрлă вăхăтсенче ăна кăларма та чарнă, хаçат ятне те темиçе хутчен улăштарнă. Самана улшăнса тăнă пулин те тăван халăх "Хыпартан" писмен, ăна çырăнса илсе тавракурăмне анлăлатнă, çĕршыв, тĕнче культурипе пĕтĕçнĕ.
Ахальтен мар ĕнтĕ хаçатăн пĕрремĕш редакторĕ Н.В.Никольский "Хаçат тăрăх ырра вĕренесчĕ" тесе тăван халăха çутта кăларма, культурине ÿстерме, ăс-хакăл пуянлăхне нумайлатма капашлă вăй хунă.
Чăваш Ен Пуçлăхĕ Михаил Игнатьев кăрлач уйăхĕн 21-мĕшĕнче Мускава кайнă. Унта регион ертÿçи ĕçлĕ тĕлпулусем ирттерет.
Кăçал Чăваш Республикинче - Ĕç çыннин çулталăкĕ. Кун пирки ЧР Пуçлăхĕ Михаил Игнатьев 2015 çулхи авăн уйăхĕн 7-мĕшĕнче Указ алă пуснă.
Республикăри пултаруллă та пуçаруллă, маттур 1000 çамрăк çулсерен ЧР Пуçлăхĕн Михаил Игнатьевăн стипендине тивĕçет. Кăçал та вĕренÿре, ăслăлăхра, производствăра çитĕнÿ тунă яш-хĕр уйăхсерен 1830 тенкĕ илсе тăрĕ.
Чăвашла верси
Русская версия
