Чăвашла верси
Русская версия
23 Раштав, 2014
Новости по теме
23 Раштав, 2014
Сас-хурана итлесе лару-тăрăва çивĕчлетмелле мар
Декабрĕн 20-мĕшĕнче Чăваш Ен Пуçлăхĕ Михаил Игнатьев видеоконференци мелĕпе муниципалитет районĕсен тата хула округĕсен администрацийĕсен пуçлăхĕсемпе канашлу ирттернĕ.
Республика Пуçлăхĕ палăртнă тăрăх - валюта рынокĕнчи тата финанс тытăмĕнчи ансат мар лару-тăру тĕрлĕ сас-хура çуратнă, вăл обществăри кăмăл-туйăма витĕм кÿрет. Уйрăммăн илсен, тĕрĕс мар информацие пула хуратул тата ытти кĕрпе питĕ нумай туянма пуçланă, банксен карточкисемпе çитес вăхăтра усă курма чараççĕ тесе сăмахланипе банкоматсен умĕнче черетсем ÿссе кайнă.
22 Раштав, 2014
Çыхăнусем вăй илччĕр
Декабрĕн 22-мĕшĕнче Чăваш Ен Пуçлăхĕ Михаил Игнатьев Федерацин Никама Пăхăнман Патшалăхсен Пĕрлĕхĕн, чикĕ леш енче пурăнакан йăхташсен тата çĕршывсен хушшинчи гуманитари ĕçтешлĕхĕн ыйтăвĕсемпе ĕçлекен агентствин /Россотрудничество/ ертÿçипе Константин Косачевпа тĕл пулнă.
22 Раштав, 2014
Общество çирĕп пулсан кирек мĕнле йывăрлăх та парăнать
Раççей Федерацийĕн Президенчĕн федерацин Атăлçи округĕнчи полномочиллĕ представителĕ Михаил Бабич массăллă информаци хатĕрĕсен ертÿçисемпе тата тĕп редакторĕсемпе тĕл пулнă.
Пысăк калаçу пуçланиччен малтан полпред журналистсене хăй ертсе пыракан аппаратăн 2014 çулхи ĕçĕ-хĕлĕпе паллаштарнă.
22 Раштав, 2014
Самана бюджета улшăнусем кĕртет
Бюджета кăна та мар
Чăваш Республикин пиллĕкмĕш суйлаври Патшалăх Канашĕн çирĕм улттăмĕш сессийĕ уçăличчен икĕ кун маларах РФ Федераци Канашĕнчен çак суйлаври депутатсенчен Сенат йышне кĕнĕ, 2012 çулхи июль уйăхĕнченпе çÿлти палатăн наука, вĕренÿ тата культура комитетĕнче вăй хунă Галина Николаева хăйĕн ирĕкĕпе сенатор тивĕçĕсене пурнăçлама пăрахни çинчен хыпар çитрĕ.
22 Раштав, 2014
Ĕç укçине пĕрисем ÿстернĕ
Теприсем чакарнă
ЧР Ялхуçалăх министерствинче АПК ыйтăвĕсемпе ĕçлекен, апат-çимĕç рынокĕнчи улшăнусене çийĕнчех хак паракан Правительство комиссийĕ çумĕнчи ĕç ушкăнĕн ларăвĕ иртрĕ. Унта ялхуçалăх организацийĕсенче вăй хуракансене куллен шухăшлаттаракан ыйтăва - ĕç укçи парассине - пăхса тухрĕç. "Вăл экономикăри конкуренцие çĕнтерекен аграри секторĕ тăвас, производство тухăçне ÿстерес, АПКна пысăк квалификациллĕ специалистсене явăçтарас ĕçре стратеги тĕлĕшĕнчен пысăк пĕлтерĕшлĕ", - терĕ Сергей Павлов министр.
22 Раштав, 2014
Преступленисем те шута юратаççĕ
Республика прокуратури хуласемпе районсен прокуратурисенче тата шалти ĕçсен пайĕсенче право хуралĕн органĕсем 2014 çулта прокурор пуçарнипе шута илнĕ преступленисемпе çыхăннă кăтартусене тĕрĕс шута илнине тĕпченĕ.
Тĕрĕслев тивĕçлĕ документсенче, тĕпчекен уголовлă ĕçсемпе çыхăннă отчетсенче пĕр килмен самантсем, саккун требованийĕсене пăснă тĕслĕхсем пуррине палăртнă. Çав вăхăтрах прокурорăн асăннă сферăри ĕçĕн ШĔМĕн информаци центрĕ шута илнĕ кăтартăвĕсем /283/ ведомство статистикин çак кăтартăвĕсенчен /399/ пĕчĕкрех.
22 Раштав, 2014
Сĕнтĕрвăрринче - çÿлевĕç!
Вăл 8800 çын пурăнакан шавлă хулара ирĕккĕн çÿрени биологсене çеç мар, пурне те тĕлĕнтерчĕ. Сывлăхлă çÿлевĕçсем этемпе юнашар пурăнмаççĕ, сĕм вăрмантан тухмаççĕ. Ял-хулана йăшăккисем çеç сайра-хутра пыраççĕ.
Республикăри вăрман ĕçченĕсем те, сунарçăсем те илемлĕ çак чĕрчуна нумай çул курман. Мĕншĕн тесен вăл Чăваш Енре питĕ сахал, пĕтес патнех çитнĕ. Çавăнпа ăна ЧР Хĕрлĕ кĕнекине кĕртнĕ. Кăçалхи январь-февраль уйăхĕсенче 9 кăна шута илнĕ: Улатăр районĕнче - 2, Пăрачкав, Йĕпреç, Куславкка, Сĕнтĕрвăрри, Патăрьел, Шупашкар, Шăмăршă тăрăхĕнче - 1-ер.
22 Раштав, 2014
Декабрĕн 23-мĕшĕнче, ытларикун, Вăрнар районĕнче «Хыпар» Издательство çурчĕн Кунĕ иртет.
16 хаçат-журналта ĕçлекен журналистсем ялхуçалăх, вĕрентÿ тата культура ĕçченĕсене хăйсен ĕç-хĕлĕпе, малашлăх тĕллевĕсемпе паллаштарĕç, юрă-ташăпа савăнтарĕç.
Тĕлпулу Вăрнарти культура çуртĕнче
11 сехетре пуçланать.
19 Раштав, 2014
Паттăрсен умĕнче пуç таятпăр
Декабрĕн 17-18-мĕшĕсенче Çĕнĕ Шупашкарти Олимп резервĕсен ятарлă 3-мĕш спорт шкулĕн çĕнĕ керменĕнче чăваш халăхĕн мухтавлă ывăлĕн, Раççей Геройĕн, Чăваш Республикин Хисеплĕ гражданинĕн Николай Гавриловăн парнисене çĕнсе илессишĕн ирĕклĕ мелпе кĕрешекенсен Пĕтĕм Раççейри 10-мĕш турнирĕ иртрĕ.
