«Çăлтăр ушкăнĕ» шăпăрлансене йышăнчĕ
Шупашкарти Миттов урамĕнче вырнаçнă 7-мĕш ача сачĕн картишĕнче лăс туратлă чăрăш лартнă та - çитĕннисемпе вĕттисем хаваслă картана тăнă. Çĕнĕ çул умĕнхи çĕкленÿллĕ туйăм мĕншĕн ытла ир вăраннă тетĕр-и? Савăнăçĕ капашсăр пысăк: капмар та хитре çак çурта çулталăкри чи юратнă уяв умĕн хута ярассишĕн строительсем çав тери тăрăшнă, палăртнине пурнăçа кĕртнĕ.