Çак кунсенче Патăрьелти 1-мĕш шкул ачисем Оренбургра авăн уйăхĕн 13-17-мĕшĕсенче иртекен "Атăлçи зарници" çарпа спорт вăййине кайма хатĕрленеççĕ. Капла чыса вĕсем республикăра кăçалхипе 49-мĕш хут иртнĕ "Зарница" тата "Орленок" вăйăра çĕнтернине кура тивĕçнĕ.
Чăваш Енри Шалти ĕçсен министерстви тата "Динамо" физкультурăпа спорт обществи сăвă конкурсĕ ирттерет. Унта служба тивĕçне пурнăçланă чух пуçне хунă йĕрке хуралçисене халалласа çырнă 12-16 йĕркеллĕ сăвăсене йышăнаççĕ. Конкурс çурла уйăхĕн 1-мĕшĕччен пырать.
Кăçалхи çур çулта Чăваш Енре çул-йĕр çинчи инкексен шучĕ чакнă. Çав вăхăтрах Çĕмĕрлепе Канаш хулисенче, Элĕк, Куславкка, Вăрмар, Çĕрпÿ, Елчĕк тата Тăвай районĕсенче вĕсен шучĕ ÿснĕ.
Шупашкарти ачасен п у п л е в ĕ пăсăлнине тÿрлетес енĕпе ĕçлекен 2-мĕш садик кăçал 30 çул тултарчĕ. Çак тапхăрта унтан 1750 ытла ача вĕренсе тухнă. «Пуплев кăлтăкĕсене тÿрлетекен пĕртен-пĕр ача сачĕ пулнă май кунта Шупашкартан çеç мар, хула çывăхĕнчи ялсенчен те ачасем пурччĕ. Садик уçăлнă\çулсенче эрнере 6 кун талăкĕпех ĕçлеттĕмĕр. Хăш-пĕр ачана тунтикун килсе яратчĕç те шăматкунчченех пурăнтаратчĕç. Транспорт хальхи пек çÿремен вĕт. Каçхи няньă-сем пурччĕ. Кашни ушкăнра 6-7 ача çĕр каçатчĕ. 3 логопед Мускавра ятарлă курс вĕренсе килнĕччĕ.
Чăвашла верси
Русская версия
