Халĕ пурте тенĕ пекех варени-компот хатĕрлеççĕ. Ял халăхĕ выльăх валли утă тăвать, пахча çимĕç пуçтарать. Пĕр сăмахпа каласан — канма пушă пĕр минут та çук. Чăваш эстрада юрăçисем вăхăта мĕнле ирттереççĕ-ха? Вĕсен пурнăçĕнче çĕнни мĕн пулнă? Халех пĕлĕпĕр.
Тĕлĕнмелле пуян та илемлĕ тавралăхра пурăнатпăр. Çăл куçсен тасалăхĕ, уçă сывлăш — пĕтĕмпех йывăç-курăк пуртан. Çитмĕл те çичĕ тĕспе ешерекен улăх-çаран капăрлăхĕ чун-чĕрене хăпартлантарать. Шел те, çак илеме кашниех хаклама пĕлмест.
«Шупашкарта та илем конкурсĕсем иртеççĕ иккен», — çапла пĕтĕмлетÿ тунă Александра Николаева класĕнчи пĕр хĕрача модель пулса ĕçлеме тытăнсан. Хăйне çак ĕçре тĕрĕслесе пăхма шухăш çуралнă унăн. 15 çултискер «Чăваш Ен топ-моделĕ» илем конкурсне çул тытнă.
Илья Паргеев çар госпиталĕнче тăна кĕнĕ. Пилĕкрен аяларах нимĕн туйманни сисчĕвлентернĕ ăна, ура çине тăма хăтланнă... анчах кăлăхах. Ури пачах итлемен çамрăка. Юнашар амăшĕ хурлăхлăн ларнă, ывăлĕнчен вăрттăн куççульне шăла-шăла илнĕ. 18 çулта çеç вĕт-ха вăл! Малашне епле пурăнĕ? Нивушлĕ сусăрланса юлĕ? Тухтăрсем çăлса хăварайĕç-ши?
Инкек куçа курăнса килмест
Красноармейски районĕнчи Енĕшкассинче тĕпленнĕскерсем пĕр кил урлă кăна пурăнаççĕ. Ăмăртаççĕ-и, пĕри тепринчен тĕслĕх илеççĕ-и: иккĕшĕ те хусах, иккĕшĕ те пĕрер ĕне тытаççĕ, лайăх хĕрарăм тупăнсан çемье çавăрма та хирĕç мар. Юра та, Женя та ялта ĕçпе пиçĕхсе ÿснĕскерсем ашшĕпе амăшĕн çуртне юхăнтаракан йышшисенчен мар: сĕт укçипе çеç пурăнсан та хуçалăха йĕркеллех тытаççĕ.
Иккĕн иккĕнех
Кино ÿкересси мĕнрен пуçланать? Сериалти сăнара калăпламашкăн мĕн тумалла? Çăлтăрсемпе туслашмашкăн йывăр-и? Кино производствинче тар тăкакан Валентина Никитина вăрттăнлăх чатăрне çĕклерĕ.
Тĕллев — Мускав
Мана та анне çĕр çине телей курмах çуратнă пулĕ-ха. Çут тĕнчене килсен кÿршĕ кинемей пил парса мунчара çунă тетчĕ асанне. Ĕмĕрне качча каймасăр пĕчченлĕхре ирттернĕ вăл. Çавăн шăпине эпĕ малалла тăснăн туйăнать халь мана. Питĕ вăтанаттăм пĕчĕк чухне. Пит çинчи чĕкеç шатрисене уйрăмах чăтма пултараймастăм. Хытанка та тăрнаккай, çинçешке ал-ураллă пулни пушшех те тарăхтаратчĕ. Хама чи хитре мар хĕрсен шутне кĕртнĕ эпĕ ялан. Каçхине клуба тухсан мана никам та вальс ташлама чĕнсе курман, никам та ăсатса яман.
СУРСКИЙ РУБЕЖСКИЙ
Чăвашла верси
Русская версия
