Ноябрĕн 20-мĕшĕнче Чăваш Енре Ачасене право пулăшăвĕ памалли кун пулать. Çак кун республикăри мĕн пур хулапа районта юстици тата шалти ĕçсен органĕсем, ЧР Ачасен прависемпе ĕçлекен уполномоченнăйĕ, патшалăх влаçĕн тата вырăнти хăй тытăмлăх органĕсем, нотариуссемпе адвокатсем, Раççей Юристсен ассоциацийĕн Чăваш регион уйрăмĕ, вĕренÿ организацийĕсем тата коммерципе çыхăнман ытти тытăм хутшăннипе анлă мероприятисем иртĕç.
Ноябрĕн 15-мĕшĕнче ЧР Министрсен Кабинечĕн Председателĕ Иван Моторин республикăри муниципалитет районĕсен тата хула округĕсен администрацийĕсен пуçлăхĕсемпе видеоконференци мелĕпе канашлу ирттернĕ.
Республикăн 2013-2017 çулсенче «Граждансене Чăваш Республикин территорийĕнче вырнаçнă ишĕлме пултаракан пурăнмалли çурт-йĕр фондĕнчен куçарасси» адреслă программине мĕнле пурнăçлани çинчен ЧР строительство, архитектура тата пурăнмалли çурт-йĕрпе коммуналлă хуçалăх министрĕн тивĕçĕсене пурнăçлакан Сергей Безруков пĕлтернĕ.
ЧР Министрсен Кабинечĕн Председателĕ Иван Моторин тунтикун Йошкар-Олара федерацин Атăлçи округĕнче инвестици климатне лайăхлатас, административлă чăрмавсене чакарас, пĕчĕк тата вăтам предпринимательлĕхе аталантарас енĕпе ĕçлекен комиссин Михаил Бабич полпред ертсе пынипе иртнĕ ларăвне хутшăннă.
Терроризм - этемлĕх умне тухса тăнă чи пысăк хăрушлăхсенчен пĕри. Террористсем - камсем вĕсем, тĕллевĕсем мĕнлерех/ Пусмăр идеологийĕн тыткăнне камсем лекеççĕ - ислам мĕне вĕрентет/ Террорăн хăрушă вăрçинчен пире кам хÿтĕлĕ/
Иртнĕ канмалли кунсенче Шупашкарта Самбо кунне паллă тунă. 76 çул каялла никĕсленнĕ спорт çак тĕсĕн кунне Раççейре 2008 çултанпа уявлаççĕ. Самбон çавра çулне кăçал Чăваш Енре те сумлăн ирттернĕ.
Красноармейски салинчи тавра пĕлÿ музейĕнче «Асамлă тĕрĕ-çĕвĕ тĕнчинче ăсталанă Трак ен çи-пуçĕ» алăстисен куравĕ уçăлнă. Ăна Культура çулталăкне халалланă. Кунта асатте-асаннесен, кукаçи-кукамисен авалхи çи-пуçĕнчен пуçласа паянхи илемлĕ тумтир таранах паллашма пулать.
Кÿкеçри «Бичурин тата хальхи пурнăç» музейра «Шупашкар районĕн спорт мăнаçĕ» курав уçăлнă. Куракансене кире пуканĕ йăтас енĕпе спорт мастерĕн Анатолий Павловăн нумай медальлĕ хĕрлĕ хăйăвĕ тыткăна илет.
Республикăра «Чăваш Енри пултаруллă ачасем» фестиваль иртнĕ май ноябрĕн 14-мĕшĕнче ЧР Министрсен Кабинечĕн Председателĕ Иван Моторин Чăваш патшалăх культурăпа искусство институтĕнче ачасен искусство тата музыка шкулĕсене музыка инструменчĕсем илмелли сертификатсем панă.
ЧР Пуçлăхĕн Михаил Игнатьевăн пуçарăвĕпе Культура çулталăкĕнче республика бюджетĕнчен шкулсем валли музыка инструменчĕсем туянма 2 млн та 481 пин тенкĕ уйăрнă. Раççей Культура министерствинчен те çавăн чухлех параççĕ.
Раççей Федерацийĕн уявĕсен кăçалхи календарьне хальхинче нихçанхинчен те ытларах кăсăкланса тишкерсе тухрăм. Сăлтавĕ те тупăнчĕ. Чăннипех, мĕнле кăна уяв çук иккен пирĕн? Сăмахран, акă, январь уйăхĕнче кăна тĕрлĕ пулăмпа çыхăннă 30 куна /ятарласа шутларăм!/ паллă тăватпăр: Çĕнĕ тата Кивĕ çул, РФ прокуратура ĕçченĕсен кунĕ, Раççей тата Чăваш пичечĕн кунĕсем, Студентсен кунĕ тата ытти те. Эпир пĕлменни те сахал мар иккен: çак уйăхрах - ытама илме юратакансен кунĕ, шурă эрех «çуралнă» кун. Ытти уйăхсенче те тĕлĕнмеллисем тупăнчĕç.
Чăвашла верси
Русская версия
