Archive - Авăн 2015 - Хыпар

Пĕтĕмпех хупă тееймĕн, анчах хупма ăнтăлни ‐ куçкĕрет

Çĕршыв ертÿçисем коррупципе кĕрешессин пĕлтерĕшĕ пысăкки çинчен аса илтерсех тăни ахаль иртмест пулас. Кирек мĕнле пулсан та прокуратура органĕсем çак ĕç çине алă сулманни куçкĕрет. Чăваш Ен прокуратуринче коррупцие кăклас кăмăл пысăкки те иккĕленÿсĕр. Çакна унăн кулленхи ĕçĕн кăтартăвĕсем те çирĕплетеççĕ. Апла пулин те прокуратура мĕн тунипе кăна çырлахасшăн мар. Ку право хуралĕн ытти органĕнчен, çавăнпа пĕрлех вырăнсенчи прокуратурăсенчен çирĕп ыйтнинче те палăрать.

Ăсчахсем çирĕплетнĕ тăрăх - ĕлĕк-авал пирĕн тавралăха талккăшĕпех сĕм-сĕм вăрман хупăрланă. Çынсем вĕсене тырпул, пахчаçимĕç çитĕнтерме касса кăкланă пулин те, республика территорийĕн виççĕмĕш пайĕнче упранса юлнă.

Совет тапхăрĕнче пичетленĕ кĕнекесенче 1926-1937 çулсенче ВКП/б/ Чăваш обкомĕн пĕрремĕш секретарĕ пулнă С.П.Петров пурнăçĕ синкерлĕ вĕçленнине асăнман. Должноçран ăна мĕншĕн кăларнине уççăнлăх саманинче паллă таврапĕлÿçĕ Герман Николаевич КСЕНОФОНТОВ тĕпчесе пĕлнĕ.

Литература çулталăкĕ вуникĕ уйăха кăна тăсăлать тенипе килĕшессĕм килмест. Вăл çыннăн илемлĕх туйăмне аталантарма, кăмăл-сипет пуянлăхне çĕклеме, чун тасалăхне тытса тăма вăй-хăват панине шута илсен - литературăпа нихăçан та уйрăлмалла марри пурне те паллă.

Сĕвекрех вырăнта вырнаçнă садра темĕн чухлĕ улмуççи! Йăрăм-йăрăм хĕрлĕ çимĕçĕсемпе мăнаçланса лараççĕ. Кунтах - пысăках мар шурă мунча. Унăн умĕнче те, çул айккипе те чечексем ешереççĕ. Ретĕн-ретĕн лартнă хурлăхансем, йĕплĕ хурлăхансем, иçĕм çырли...

1766 çулхи раштав уйăхĕн 14-мĕшĕнче II Кĕтерин патша Манифест кăларнă, унпа килĕшÿллĕн хула хăйтытăмлăхĕн çĕнĕ органĕсене йĕркеленĕ, хула пуçлăхне суйлама палăртса хунă.

Йывăç-тĕм лартмалли кĕркуннехи уйăхлăх пуçланчĕ. Вăл пирĕн тăрăхра сентябрь çурринчен пуçласа октябрь çурриччен тăсăлать. Кĕркунне йывăç-тĕме лартмалли меслетсем пирки Шупашкарти Ботаника сачĕн тĕп агрономĕпе Антонина Аркадьевна Васильевăпа калаçрăмăр. Малалла вулас...

Мĕнле килеççĕ-ши çут тĕнчене поэтсем, художниксем, композиторсем? Ку вăл çутçанталăк вăрттăнлăхĕ пуль. Нумаях пулмасть Красноармейски районĕнчи Кушкă ялĕнче пурăнакан, Чăваш Республикин культурăн тава тивĕçлĕ ĕçченĕпе Илья Степановпа тĕл пулма тиврĕ.

Ăна вĕрентекен пулма пилленĕ

«Пур ĕмĕт те пурнăçланать!»

1972 çулхи июнĕн 22-мĕшĕ. Вăрнар районĕнчи Кÿстÿмĕр ялĕ. Ир-ирех ешĕл те лăпкă вăрман хыçĕнче пĕлĕтсем армак-чармак каркаланнă. Тем тĕрлĕ сăнар ÿкерĕннĕ унта: çын кĕлетки те, кайăксем ушкăнпа вĕçни те, ача кÿми туртнă хаваслă мăшăр та... Тата кăштахран пĕлĕт купи явăнса юхнă.