Archive - Хыпар
март 19th, 2014
Камера ăçта?
Полицирен 25 çулти хĕрарăм пулăшу ыйтнă: такам Шупашкарти Боголюбов урамĕнчи унăн хуралти çине вырнаçтарнă видеосăнав камерине вăрласа кайнă иккен.
Налукçă коммерсантпа каварлашнă
Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен пайĕ Шупашкар хулин налук инспекцийĕн пай пуçлăхĕн çумĕ тата вырăнти коммерци организацийĕсенчен пĕрин директорĕ тĕлĕшпе айăплав тăратнă. Вĕсене взятка илнĕшĕн тата панăшăн айăплаççĕ.
Упăшкине - укçа тÿлесе...
Мăшăр час-часах харкашнă та - арăмĕ çакăншăн упăшкине тĕп тума шут тытнă. Ăна вĕлерме киллера тара тытнă.
Следстви комитечĕн Çĕнĕ Шупашкарти пайĕ çак тĕслĕхпе уголовлă ĕç пуçарнă ĕнтĕ. Вăл тĕпчесе пĕлнĕ тăрăх - 35 çулти хĕрарăм 46-ри упăшкине вĕлерме хатĕр çынна Интернетри социаллă сетьсенче тупнă. Хак пирки калаçса татăлнă - 2 пин евро. «Киллерпа» темиçе хут тĕл пулнă, ăна 10 пин тенкĕ аванс тÿленĕ, ыттине саккаса пурнăçланă хыççăн татма шантарнă.
март 18th
Изменился адрес электронной почты газеты "Вести Чувашии"
Просим обратить внимание на изменение адреса электроннй почты газеты "Вести Чувашии".
Новый адрес vesti.chuvashii@mail.ru
Газета "Хыпар", 18 марта 2014 г., № 48 /26454/
"Хыпар" хаçат, 2014 çулхи пуш уйăхĕн 18-мĕшĕ, 48 /26454/-мĕш /
Крым - Раççейпе пĕрле!
Юратрăм сана...
Поэтсем «юратупа» «ыратăва» ахальтен рифмăламаççĕ çав. Ыратăвĕ юратупа юнашарах. Тепĕр чух - вилĕм те... Следстви комитечĕн Шупашкарти пайĕ тĕпчесе пĕтернĕ уголовлă ĕçри тĕслĕх - шăпах çак ретрен.
22 çулти хĕр 25-ри савнийĕпе Шупашкарти Çĕнтерÿ урамĕнчи пĕр çуртра пурăннă. Çав кун вĕсем аптекăран 300 грамм темле эмел туяннă, ăна шывпа хутăштарнă та - 1,5 литр эрех хатĕр. Иккĕшĕ пĕрле ĕçнĕ. Эрехпе хĕрсе хăюланнă пулас та - хĕр савнийĕнчен уйрăлас кăмăлне пĕлтернĕ. Каччă вара яхăнне те яман - юратать вĕт!
Ĕçтешĕсене пулăшнă
Инçетри ĕçтешĕсене - Екатеринбург полицейскийĕсене. Шăпах вĕсем Чăваш Енĕн йĕркелĕх хуралçисенчен преступнике тупма пулăшмашкăн ыйтнă.
Пуш уйăхĕн пуçламăшĕнче Екатеринбургра такам пĕр автомашинăран пысăк укçа, 800 пин тенкĕ, вăрланă. Сыщиксем 33-ри арçын йĕрĕ çине ÿкнĕ, вăл Уралтан Чăваш Ене килни пирки информаци илнĕ. Кунта, Патăрьел районĕнче, унăн тăванĕсем пурăнаççĕ-мĕн.