Archive - Хыпар

Хальхи информаци технологийĕсемпе анлăн усă курни ĕç тухăçлăхне ÿстернипе пĕрлех çынсен пурнăç пахалăхĕн шайне те ырă витĕм кÿрет. Асăннă тытăм аталанăвĕ чылай чухне çĕр-шывăн конкуренцие çĕнтерме пултараслăхне те палăртать.

Республикăри Çамрăксен канашĕсен чи лайăх пĕрлехи эмблемине палăртас енĕпе йĕркеленĕ конкурса пĕтĕмлетнĕ. Унта 7 район-хуларан 27 ĕç тăратнă.

Пурăнмалли çурт-йĕр условийĕсене лайăхлатас текен çамрăк учительсен черечĕ мĕнлерех майпа йĕркеленет-ши? Çакăн пирки тĕплĕнрех пĕлес килет.

Марина В.

Çак кунсенче Шупашкарти А.Ляпидевский ячĕллĕ аэроклуб 80 çулхи юбилейне паллă тăвать.

2014 çула Раççейре Культура çулталăкĕ тесе пĕлтернĕ. «Чăваш Республикин хальхи вăхăтри культура политикин тĕп тĕллевĕсенчен пĕри вăл – çынна пултарулăх тĕлĕшĕнчен ÿсме, хăйĕн ăс-хакăлне аталантарма условисемпе майсем туса парасси», - палăртнă республика Пуçлăхĕ М.В.Игнатьев Патшалăх Канашне янă Çырура.

Хĕрлĕ Чутай ялĕнчи «Этем тата çут çанталăк» халăх музейне уçнăранпа 35 çул çитрĕ.

Музей кун-çулĕ питĕ кăсăклă. 1898 çулта Михаил Таланцев икĕ класлă чиркÿ-прихут шкулне тума пуçланă. Икĕ çултан пĕлÿ çуртне уçнă. 1918 çулта кунта учительсен семинарийĕ ĕçлеме тытăннă. Каярахпа Хусан чăваш педагогика техникумĕ уçăлнă. 1928 çулччен Хĕрлĕ Чутайĕнче чăваш шкулĕсем валли пин ытла вĕрентекен хатĕрленĕ. Каярахпа çак çуртра хресчен çамрăкĕсен, çичĕ çул вĕренмелли шкулсем ĕçленĕ. Унтан вăтам шкул туса хунă. Пионерсен çурчĕ те пулнă кунта.

Пĕр-пĕр спортсмен яваплă ăмăртура çĕнтерсе чемпион ятне тивĕçсен эпир унăн тренерне те çитĕнÿпе ăшшăн саламлатпăр. Вĕрентекен çамрăк спортсмена ăсталăх картлашкипе çÿллĕ шая çĕкленме пулăшать.

Республикăн агропромышленноç комплексне пĕлтĕр хыснаран 2,45 млрд тенкĕ - виçĕм çулхинчен 19% нумайрах - уйăрнă. Кĕмĕл кăçал та чылай парĕç. Уйрăммăн илсен ăратлă выльăх, вăкăр вăрлăхĕ, чĕпĕ кăлармалли çăмарта, талăкри чăх чĕппи туянма, ял хуçалăх организацийĕсен сĕт лайăх антаракан ĕнисене, ятарлă хуçалăхсен ăратлă ама выльăхне тăрантма кăçал та куçарĕç.

Чăваш Ен Сывлăх сыхлавĕпе социаллă аталану министерстви пĕлтернĕ тăрăх - Крымра тата Севастопольте пурăнакансене пулăшмашкăн тенкĕлĕх счет уçнă. Унта Раççей гражданĕсем ыр кăмăллăх тата гуманитари пулăшăвĕн шучĕпе укçа куçарма пултараççĕ. Счета Пĕтĕм Раççейри «Раççей Хĕрлĕ Хĕресĕ» общество организацийĕ йĕркелесе тăрать.

Вулакансем ăна пуянлатмашкăн пуçаруллă хутшăнасса шанса реквизитсене пĕлтеретпĕр:

Çак кунсенче Патăрьел районĕнчи Аслă Арапуç вулавăшĕнче Валентина Ендеевăн «Алă ĕçĕ - чун тата чĕре валли» курав уçăлнă. Ăна Культура çулталăкне тата Пĕтĕм тĕнчери хĕрарăмсен кунне халалланă.