Archive - 2015 - Хресчен сасси

Уя тухсан мĕн сас лайăх?

Качака сĕчĕ тутлă та сиплĕ

Маттур çамрăк

Патшалăх пулăшăвĕпе - фермер хуçалăхĕ

Ентешлĕх уявĕсенче савăнчĕç

Григорий Моклаков: «Юрăпа эп пурнăçа юратрăм...»

Асăну паркĕ

Манăн пичче - танкист

Çĕнтерÿ калчисем ешерччĕр

Шаннă йăвара кайăк пулĕ-ши?

Петуни хăçан акмалла?

ЙĔПЕ-САПАНА ПĂХМАСĂР

Республикăри уй-хирте хăватлă техника сасси илтĕнме тытăнчĕ. Çĕр ĕçченĕсем кĕрхи культурăсене апатлантараççĕ, нÿрĕк тытса хăварма лаптăксене сÿрелеççĕ.

Пăрачкав районĕнче çурхи культурăсене акма тухнă ĕнтĕ.

Фермер хуçалăхĕсенче ĕне выльăх, сурăх ĕрчетнине курма хăнăхнă ĕнтĕ. Комсомольски районĕнчи Тĕвенешри Николай Васильев вити-сарайĕнче вара качакасем хуçаланаççĕ.

Ялта хастар çамрăксем пурри савăнтарать. Акă Патăрьел районĕнчи Тăрмăшра пурăнакан Лев Семенов патшалăх пулăшăвĕсĕрех фермер хуçалăхĕ йĕркелеме пултарнă. Паянхи кун унăн картиш тулли выльăх-чĕрлĕх: 20 яхăн ĕне выльăх, çак шутран виççĕшĕ - сăвăнаканни, сысна, чăх-чĕп.

«Агро-Инноваци» хысна унитари предприятийĕнчен халăх татăлма пĕлмест темелле. Пысăк мар залри çавра сĕтел хушшинче арçынсем хĕрсех темĕн сÿтсе яваççĕ. Çамрăк фермерсем иккен. «Фермер ĕçне пуçăнакан» программăна хутшăнса патшалăх пулăшăвне илесшĕн. Конкурса тăратма документсем тĕрĕслеççĕ, бизнес-план хатĕрлеççĕ. Паллах, кунта специалистсен пулăшăвĕсĕр йывăртарах.

- 14 ĕне усратăп, хуçалăха анлăлатма грант илесшĕн, - терĕ Комсомольски районĕнчи Альберт Низиров. - Ĕмĕт-шухăш пысăк, ăна пурнăçа кĕртме укçа çитсе пымасть.

Нумаях пулмасть Комсомольски тата Елчĕк ентешлĕхĕсен уявĕсем иртрĕç.

Григорий Васильевич Моклаков - композитор, баянист, Чăваш Республикин Композиторĕсен ассоциацийĕн членĕ. Иртнĕ ĕмĕрĕн 70-мĕш çулĕсенче чăваш тĕнчинче унăн ятне пĕлмен-илтмен çын та пулман пулĕ. Уйрăмах Василий Алентей сăввипе вăл кĕвĕленĕ "Лена партизанка" юрă тăтăшах янăратчĕ.

Канаш районĕнчи Çĕнĕ Шелттемри библиотекăран халăх татăлма пĕлмест. Кĕнеке-хаçат вулама çÿреççĕ, тĕрлĕ мероприятие хутшăнаççĕ.

Тăван çĕршывăн Аслă вăрçине кашни çемьеренех хутшăннă. Манăн пичче те тăшмана хирĕç çапăçма тухса кайнă. Вăрçăран таврăнсан вут-çулăм витĕр утса тухнă кун-çулне час-часах асаилетчĕ.

Леонид Михайлович Михайлов 1925 çулхи апрелĕн 17-мĕшĕнче Калинин районĕнчи /халĕ - Вăрнар/ Уйкас Явăшра çуралса ÿснĕ. Çичĕ класс пĕтерсен колхозра вăй хунă.

Хаяр вăрçă пуçлансан ялти каччăсем, арçынсем фронта тухса кайнă. Вăйпитти çын юлманнипе 1942 çулта пиччене, 17 çулти йĕкĕте, бригадира суйланă. Çулталăкран ăна та вăрçа кайма повестка çитнĕ.

"ЭКА" экологи организацийĕн регионти уйрăмĕ ырă ĕç пуçарса янă. Уйрăмах çак обществăлла организацин Çĕмĕрлери штабне мухтамалла. Вăл хулари 3-мĕш шкулта вĕренекенсене "Çĕнтерÿ калчисем" /"Ростки Победы"/ акцие хастар явăçтарнă, пĕр ача та айккинче юлман темелле.