Archive - Çурла 2016 - Çамрăксен хаçачĕ

август 25th

25 Çурла, 2016

«Çамрăксен хаçачĕ» 33 (6126) №. 25.08.2016

25 Çурла, 2016

Хăй пĕçернĕ пылака çимен

«Чăн-чăн ăста хатĕрленĕ манна пăтти те пысăк кухня апачĕ шутланать», — тенĕ пĕр çын. Хальхи вăхăтра чылайăшĕ тутлă пĕçерме пултарать. Анчах профессионал шайне çитекен сахал. Чăн-чăн ăстасем пĕр çимĕçрен вун-вун апат хатĕрлеме пултараççĕ.

25 Çурла, 2016

«Педагогсене купипех хут çыртармалла мар» Ку ыйтăва татса парса вĕсен ĕçне çăмăллатасшăн

Чăваш Енре РФ Патшалăх Думин Вĕрентÿ енĕпе ĕçлекен комитечĕн председателĕ, политолог, истори наукисен докторĕ Вячеслав Никонов ĕçлĕ çулçÿревпе пулчĕ. Çурлан 23-мĕшĕнче вăл И.Я.Яковлев ячĕллĕ Чăваш патшалăх педагогика университетĕнче преподавательсемпе профессорсен ушкăнĕпе, студентсемпе, Канашри тата Шупашкарти педагогика колледжĕсен ĕçченĕсемпе тĕл пулчĕ. Педагогикăри çивĕч ыйтусемпе малашлăхĕ пирки «çавра сĕтелре» калаçрĕç.

25 Çурла, 2016

Сĕт суса илессипе малта

Иртнĕ эрнере ЧР Пуçлăхĕ Михаил Игнатьев Шупашкар районĕнче пулнă, ĕççи мĕнле пынипе тата ку тăрăхри Ленин ячĕллĕ хуçалăх ĕçĕпе паллашнă. Район активĕпе ирттернĕ канашлура тĕрлĕ ыйту хускатнă. Кунта аш-какай туса илесси 1,5 хут ÿснĕ.

25 Çурла, 2016

«Кастрюльти яшкана та тĕрĕслерĕç»

Çурлан 17-мĕшĕнче Пăрачкав районĕнчи Напольное салинче пĕр хуçалăхра 4 уйăхри сысна çури вилнĕ. Вырăна ветеринарсем тÿрех çитнĕ, лабораторие илсе каймашкăн выльăхăн юнĕпе ашне илнĕ. Сысна Африка мурĕпе чирлине Владимир облаçĕнчи Покров хулинче ирттернĕ тĕпчев çирĕплетнĕ. Çак чрезвычайлă лару-тăру тавра калаçмашкăн Шупашкарта çеç мар, республикăн тĕрлĕ районĕнче те тĕлпулусем йĕркеленĕ. Напольное салинче — карантин, яла кĕрекен-тухакан кашни автомашинăна тĕрĕслеме тытăннă.

25 Çурла, 2016

«Эпĕ - дезертир мар, госпитальтен тармăп»

Тăван çĕршывăн Аслă вăрçинче Совет Союзĕ çĕнтернинче Сергей Пихтеров ветеранăн та пысăк тÿпе пур. Вăл вăрçă нуши-асапне вут-çулăм витĕр тухса астивнĕ, мĕн тери хăрушшине хăй курнă. Сергей Иванович Çĕмĕрле районĕнчи Тăванкасси ялĕнче çуралса çитĕннĕ. Хресчен çемйинче кун çути курнăскере, пĕчĕклех ашшĕсĕр юлнăскере амăшĕ пĕлÿ парассишĕн тăрăшнă. Çемьери пилĕк ачаран тăваттăмĕшĕ пулнăскер Хĕрлĕ Чутай районĕнчи Штанашри шкула сукмак хывнă. Тăрăшса вĕреннĕ Çеруша вăтам пĕлÿ илсен Вăрнар районĕнчи пĕр шкула направленипе ĕçлеме янă.

25 Çурла, 2016

«Куççульпе хĕрĕме тăратаймăн»

«Инкек ĕрчевлĕ, нуша тĕревлĕ», — тенĕ ваттисем. Елчĕкре пурăнакан Марина Клементьевăн пурнăçĕ çăмăл килмен. 38 çулти хĕрарăмăн темĕн те курма тивнĕ. Вăл çут тĕнче парнеленĕ çыннисене, пĕртăван икĕ аппăшне, тăван тĕпренчĕкне юлашки çула ăсатнă.

25 Çурла, 2016

Вĕтĕ шăрçаран йывăç ăсталанă

Юратнă ĕçпе аппа­ланни ывăнтармасть. Пĕрисем кунне-çĕр­не пĕлмесĕр уйра тă­рăшаççĕ, теприсем тул çутăличченех кĕнеке вулама пултараççĕ, виççĕмĕшĕсем çекĕлпе çыхма кăмăллаççĕ. Вăрмар районĕнчи Энĕшпуç ялĕнче пурăнакан Мария Ларионова чун киленĕçĕшĕн мĕн пур ĕçе пăрахма хатĕр.

25 Çурла, 2016

«Уçланкăри юратуран» ялĕпех кулчĕç

Тем, Ташук тусăмпа Шурăмпуç Çăлтăрĕ мана кÿренчĕç пулмалла — хаçата çырма пăрахрĕç. Шурăмпуç, санăн качча кайман хĕрÿ пирки ывăлăма каларăм. Ăнмарĕ пирĕн тăхлач-хăталлă пуласси. Ывăлăм кун пирки каласанах шăртланма пуçларĕ, мăрт-март тукаларĕ те пÿртрен тухса вирхĕнчĕ. Унăн пурнăçне сăмса чикнĕшĕн виçĕ кун ятларĕ. Хамăн шапăлкка ывăлăм çинчен ахальтен мар сăмах пуçартăм-ха. Пĕр эрне каялла ман ачашскерĕм майра ертсе килчĕ. Хулара çуралса ÿснĕ тет, хăйĕн ĕмĕрĕнче яла килсе курманпа пĕрех. Вăт тĕнче кулли! Ман валли ăçтан тупăнать тульккăш?

август 18th

18 Çурла, 2016

Туй вырçнне — виле

ТУЙРА САВĂНАС ВЫРĂННЕ ПАТĂРЬЕЛ РАЙОНĔНЧИ ШĂНКĂРТАМРА ÇАМРĂК КАЧЧĂНА ЮЛАШКИ ÇУЛА ĂСАТНĂ.

Ашшĕпе ывăлĕ тăван ялне кайма тухнă. Çĕрпÿ районĕнче груз турттаракан машинăпа çапăннă. Аварире аманнă виçĕ çынна больницăна илсе çитернĕ. Анчах каччă йывăр сурансене пула пурнăçран вăхăтсăр уйрăлнă.

Pages