Раççей премьер-министрĕ Дмитрий Медведев «2017-2019 çулсенче регионсен тата вырăнти бюджетсен шайлашулăхне тивĕçтермелли мерăсем çинчен» ыйтупа канашлу ирттернĕ.
Обществăлла финанссемпе ĕçе тухăçлăрах йĕркеленĕ регионсен 10 ертÿçи йышĕнче Чăваш Ен Пуçлăхĕ Михаил Игнатьев та çак мероприятие хутшăннă. Канашлура 2017 çулта регионсене бюджетсен хушшинчи трансфертсене памалли условисене сÿтсе явнă.
Раштавăн 22-мĕшĕнче Чăваш Ен Пуçлăхĕ Михаил Игнатьев «МРСК Атăл» АУО филиалĕн — «Чăвашэнерго» коллективне Энергетик кунĕпе саламланă, ĕçе яваплăха туйса тата питĕ ăста пурнăçланăшăн тав тунă.
Шăпах çакнашкал ĕçленĕрен республикăра пурнăç тивĕçтерĕвĕн пĕтĕм сферинче энергипе тивĕçтересси йĕркеллĕ те кăлтăксăр пулса пынине палăртнă.
Чÿк уйăхĕн 15-мĕшĕнче РФ Патшалăх Думинчи «Единая Россия» парти фракцийĕн вырăна тухса ирттернĕ ларăвĕнче Правительство Председателĕ Дмитрий Медведев шкулсен строительствипе тата вĕсене юсаса çĕнетессипе çыхăннă программа валли уйăракан укçа виçине икĕ хут ÿстерме — çулталăкне 50 миллиард тенкĕ таран — пултарассине пĕлтернĕ. РФ вĕренÿпе наука министрĕ Ольга Васильева РФ Патшалăх Думин депутачĕсене çĕнĕ шкулсем тумашкăн бюджетра укçа ытларах уйăрас ыйтăва пăхса тухма сĕннĕ.
Чăвашла верси
Русская версия
