Чăвашла верси
Русская версия
Чăваш Ен Пуçлăхĕ Олег Николаев Çамрăксен кунĕпе саламлать
Хаклӑ туссем! Хисеплӗ ентешсем!
Сире Ҫамрӑксен кунӗ ячӗпе саламлатӑп!
Талантлӑ та пуҫаруллӑ, харсӑр чунлӑ та ҫирӗп кӑмӑллӑ пулнӑ май, эсир чи кӑткӑс ӗҫсене ним иккӗленмесӗр пурнӑҫлама пикенетӗр тата лайӑх кӑтартусемпе савӑнтаратӑр.
Пурнӑҫра эсир хастарлӑхпа палӑратӑр, хӑвӑр шухӑшӑрсене хӳтӗлеме пӗлетӗр, волонтер юхӑмне хапӑл туса хутшӑнатӑр. Ҫакӑ пандеми тапхӑрӗнче уйрӑмах витӗмлӗн палӑрать: эсир ватӑсене пулӑшатӑр, «хӗрӳ линисенче» ӗҫлетӗр, медицина ӗҫченӗсене пулӑшу памалли акцисем йӗркелесе ирттеретӗр.
Тӑван Чӑваш Ен пуласлӑхӗ мӗнлерех пуласси шӑпах сирӗнтен, хальхи шкул ачисемпе студентсенчен тата ҫамрӑк специалистсенчен, килет.
Уҫӑ кӑмӑлӑршӑн, хӑвӑр ҫине яваплӑх илме яланах хатӗр пулнӑшӑн сире тавтапуҫ. Эсир тунӑ ҫитӗнӳсемпе, ҫӗнтерӳсемпе эпир тивӗҫлипе савӑнатпӑр тата мӑ-наҫланатпӑр.
Хӑвӑрӑн чи ҫутӑ ӗмӗтӗре ҫирӗппӗн ӗненӗр, хӑюллӑран та хӑюллӑ тӗллевсене пурнӑҫа кӗртме тӑрӑшӑр! Сире лайӑх кӑмӑл, телей тата ырлӑх сунатӑп!
Чӑваш Республикин
Пуҫлӑхӗ Олег Николаев.
