Комментари хушас

Нумаях пулмасть Колумбири Кали хулинче Пĕтĕм тĕнчери паралимп комитечĕн çăмăл атлетика ăмăртăвĕсем иртнĕ.

Хĕрӳ тупăшусенче Чăваш Ен спортсменĕ, тĕнче класлă Раççей спорт мастерĕ Денис Гаврилов «ылтăн» çĕнсе илнĕ. Вăл 5 пин метр чупса япăх куракан атлетсен хушшинче Т12 класра финиша пĕрремĕш çитнĕ.

«Дениспа унăн наставникĕ Сергей Иванов — чун хавалĕпе пĕрлехи ĕçĕн символĕ. Ку çĕнтерӳ — пуриншĕн те тĕслĕх тата çĕнĕ çитĕнӳсем тума хавхалантаракан пулăм! Эпир Дениспа тата Чăваш Ене Раççей, пĕтĕм тĕнче шайĕнче чапа кăларакан ытти спортсменпа мухтанатпăр. Малашне те ăнăçу сунатпăр!» — палăртнă Чăваш Ен Пуçлăхĕ Олег Николаев спортсмена çĕнтерӳпе саламланă май.

www.hypar.ru Sport.cap.ru сăн ÿкерчĕкĕ